21 ліпеня ў Ісландыі БАТЭ выйграў у матчы 2-га кваліфікацыйнага раўнду ў «Хабнарф’ёрдзюра» з лікам 1:0.
21 ліпеня ў ісландскім Хабнарф’ёрдзюры на стадыёне «Каплакрыкі» БАТЭ выйграў у матчы 2-га кваліфікацыйнага раўнду Лігі чэмпіёнаў у аднайменнага клуба з лікам 1:0 (Віталь Радзівонаў, 15) і выйшаў у наступны этап. Нагадаем, што ў першым матчы тыдзень таму у Барысаве БАТЭ выйграў з лікам 5:1.
У 3-м раўндзе БАТЭ згуляе з чэмпіёнам Даніі ФК «Капенгаген». Першы матч пройдзе 27 ці 28 ліпеня ў Барысаве.
***
У чацвер, 22 ліпеня, пройдуць матчы ў адказ 2-га кваліфікацыйнага раўнду Лігі Еўропы. У Таліне мінскае «Дынама» згуляе з «Калевам» (Сілумяэ). У першым матчы мінчукі ўпэўнена перамаглі 5:1. Пераможца ў наступным раўндзе згуляе з «Макабі» з Хайфы (Ізраіль).
У Барысаве жодзінскае «Тарпеда» згуляе з ОФК (Бялград, Сербія). Першы матч – 2:2. У наступным раўндзе пераможца згуляе са славутым турэцкім «Галатасараем», 17-разовым чэмпіёнам краіны. Праўда, летась чырвона-жоўтыя занялі толькі 3-е месца.
У Магілёве «Дняпро» гуляе з нарвежскім «Стабекам» (Бекестуа). Першы матч – 2:2. Пераможца пары ў наступным раўндзе згуляе, відаць, з чэшскім «Банікам».
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны15
Каментары