Фестываль пройдзе 21 жніўня ў другі раз.
Фестываль пройдзе 21 жніўня ў другі раз. Сёлета ён прысвячаецца ажно чатыром значным датам: 730-годдзю заснавання Гальшанаў, 605-годдзю Соф’і Гальшанскай, 600-годдзю перамогі ў Грунвальдскай бітве і 400-годдзю замка.
Але адкрыцця ніякіх памятных знакаў ніводнай з дат не прадбачыцца.
Адметнасцю сёлетняга «Гальшанскага замка» стануць масавыя бітвы рыцараў і пашыраны ўдзел у фэсце гуртоў, што граюць старадаўнюю музыку.
Чакаецца ўдзел «Старога Ольсы», «ЛітвінТроля», «Тэстамэнтум Тэррэ», «Расаліі», «Келіх Кола», «Гальярды», Cornucopia.
Леташні фэст, па словах аднаго з арганізатараў Аляксандра Кушнера, сабраў блізу 2 тысяч чалавек. Гэтага дастаткова, каб яго было мэтазгодна праводзіць з пункту гледжання фінансавых укладанняў. І сёлета арганізатары чакаюць не меншую колькасць удзельнікаў. Тым больш, што фэст перанесены на паўтара месяца наперад. Летась ён праходзіў у кастрычніку, калі надвор’е было халоднае.
Што яшчэ будзе сёлета ў праграме?
Турнір лучнікаў, конны турнір, старадаўнія танцы, конкурсы, фаер-шоу.
Фестываль пройдзе 21 жніўня з 11.00 да 22.00 у мястэчку Гальшаны (Ашмянскі раён). Уваход будзе каштаваць 25 тысяч рублёў. З Мінска арганізуецца даезд на аўтобусах. Пакінуць заяўку можна тут.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары