Беларускія ўлады заявілі пра намер на працягу 5 гадоў ажыццявіць паэтапнае рэфармаванне беларускай энергасістэмы.
Беларускія ўлады заявілі пра намер на працягу 5 гадоў ажыцьцявіць паэтапнае рэфармаваньне беларускай энэргасыстэмы. Яно завершыцца стварэньнем рэспубліканскага гуртовага рынку электрычнай энэргіі і прыватызацыяй энэргаабясьпечваючых арганізацый.
Згодна стратэгіі разьвіцьця энэргетычнага патэнцыялу Беларусі на пэрыяд да 2020 года, зацьверджанай пастановай Савета Міністраў № 1180 ад 9 жніўня, рэфармаваньне энэргасыстэмы мяркуецца ажыцьцявіць у тры этапы на працягу 2010–2015 гадоў.
На першым этапе (2010–2011 гады) будзе створана РУП «Высакавольтныя электрычныя сеткі», якому будуць перададзеныя сеткавыя аб’екты інжынэрнай інфраструктуры, таксама плянуецца прыняцьце закона аб электраэнэргетыцы.
Другі этап (2012–2013 гады) прадугледжвае стварэньне РУП «Белгенэрацыя», у склад якога будуць уваходзіць найбольш буйныя электрастанцыі, а таксама падрыхтоўка умоў для акцыянаваньня электрастанцый.
Падчас трэцяга этапу (2014–2015 гады) прадугледжваецца завяршыць працэс рэфармаваньня беларускай энэргасыстэмы, стварэньне гуртовага рынку электрычнай энэргіі (магутнасьці) і ўмоў для эфэктыўнага прыцягненьня інвэстыцый.
На завяршальным этапе адбываецца раздзяржаўленьне і прыватызацыя РУП «Белгенэрацыя».Ствараюцца
Беларускія ўлады плянуюць у бліжэйшыя 10 гадоў інвеставаць у разьвіцьцё энэргетыкі не менш за $45,9 млрд. Такая сума, якая перавышае ў паўтара разу цяперашні гадавы ВУП краіны, прадугледжана стратэгіяй разьвіцьця энэргетычнага патэнцыялу Беларусі на пэрыяд да 2020 года, зацьверджанай пастановай Саўміну.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў59
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары