Яго паказанні выкладзеныя на сайце ГУУС.
На сайце ГУУС сёння выкладзеныя паказанні былога міліцыянта Аляксандра Класкоўскага, што даваў адпор АМАпаўцам на Плошчы 19 снежня.
Класкоўскі прызнаўся, што быў выпіўшы і папрасіў прабачэння ў міліцыянтаў.
Аляксандр Класкоўскі прызнаўся, што апрануў міліцэйскую форму, наверх куртку і пайшоў на Плошчу. А яшчэ перад гэтым выпіў спіртныя напоі.
«Паддаўшыся заклікам апазіцыі, я прыйшоў на Плошчу. Улічваючы, што я быў пад уздзеяннем алкаголю, то паддаўся эйфарыі натоўпу. Узяў удзел у масавых беспарадках», — сказаў А.Класкоўскі.
Былы міліцыянт адзначыў, што быў на вастрыні натоўпу. Маўляў, людзі пабачылі на ім міліцэйскую форму і спрабавалі збіваць. «Я пайшоў да ланцуга спецназу, каб выратавацца. Паказаць, што я на іх баку», — адзначыў ён.
Іншае відэа, удзелу Класкоўскага ў Плошчы, аспрэчвае ягоныя папярэднія словы. Бо размаўляе з спецназаўцамі яшчэ будучы апрануты ў куртку. І ніхто яго туды не штурхае.
«Мае паводзіны былі неадэкватныя і грубыя. Я моцна каюся і прашу прабачэнні ў супрацоўнікаў міліцыі. Мае дзеянні былі ідыёцкімі», — зазначыў ён.
Цяпер чытаюць
«Я не прадугледзела толькі аднаго: што менавіта гэты кружочак выкарыстаюць супраць мяне». Споведзь Аліны Харысавай пасля скандалу з КДБ57
Каментары