Патрыярх маскоўскі і ўсяе Русі Кірыл павіншаваў нязменнага прэзідэнта Беларусі Аляксандра Лукашэнкі з чарговым пераабраннем, паведамляе РІА «Навіны». Дзеяч царквы зрабіў гэта, не чакаючы, пакуль Лукашэнка павіншуе прэзідэнт Расіі Дзмітрый Мядзведзеў.
«Займаючы найвышэйшы дзяржаўны пост, у мінулыя гады Вы шчыра служылі краіне і яе грамадзянам. Вынікі мінулых выбараў паказалі ўзровень народнага даверу да Вас», — гаворыцца ў віншаванні патрыярха, які такім чынам выказвае рэзкае нязгоду з міжнароднай ацэнкай ходу выбараў у Беларусі, тады як міжнародныя назіральнікі адзначылі шматлікія фальсіфікацыі, а па выніках выбараў былі арыштаваныя практычна ўсе астатнія кандыдаты ў прэзідэнты, а таксама вядучыя апазіцыйныя палітыкі і журналісты.
Дагэтуль Лукашэнку павіншалі толькі прэзідэнт Ірана Махмуд Ахмадзінеджад, прэзідэнт Венесуэлы Уга Чавес, прэзідэнт Таджыкістана Эмамалі Рахмон, кіраўнік Туркменіі Гурбангулы Бердымухамедаў.
Цяпер чытаюць
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары