і працытаваў анекдот Статкевіча.
Падчас выступу ў Еўрапарламенце старшыня доўгатэрміновай назіральніцкай місіі АБСЕ акрэсліў асаблівасці выбарчай кампаніі ў Беларусі.
У сваім выступе ў Еўрапарламенце на слуханнях па Беларусі старшыня доўгатэрміновай назіральніцкай місіі АБСЕ Герт Арэнс каротка акрэсліў асаблівасці выбарчай кампаніі. Па яго словах, галоўныя праблемы застаюцца ранейшымі: кансерватыўнасць палітычнай сістэмы, працэс падліку галасоў і датэрміновае галасаванне.
Герт Арэнс: «Я сустрэўся з усімі 9 альтэрнатыўнымі кандыдатамі, і ўсе яны выказалі недавер да беларускага выбарчага працэсу… Старшыня Адміністрацыі прэзідэнта Уладзімір Макей казаў, што ад АБСЕ чакаюць больш станоўчай ацэнкі выбараў, чым раней, бо адбыліся пэўныя змены ў выбарчым заканадаўстве».
Але галоўнае не сам факт пэўных зменаў, а іх вынікі на практыцы, адзначыў Герт Арэнс. У сувязі з гэтым ён пераказаў анекдот ад Мікалая Статкевіча, аднаго з кандыдатаў, які зараз знаходзіцца ў ізалятары КДБ.
Герт Арэнс: «Фізічныя практыкаванні ў вайсковай частцы. Падцягванне на турніку. Вайсковец з добрай выправай прыгожа падыходзіць да турніка. Скочыць, спрабуе падцягнуцца, і не можа ніводнага разу. Саскочыў з турніка. І зыходзіць так эфектна, прыгожа. Адзнака: падыход да турніка: выдатна, 5 балаў. Падцягванне: кепска, 2 балы. Адыход ад турніка: выдатна, 5 балаў. Агульны вынік: 4 балы!»
Падзяліўся Герт Арэнс і сваімі назіраннямі за выбарамі:
«Выбарчы працэс звязваюць з дзяржавай. Яе ўвасабленне — дзейны прэзідэнт. А ён атаясамліваецца з народам. Вось гэта было пасланнем Нацыянальнага сходу, праведзенага напярэдадні выбараў. І пастаяннае пасланне афіцыйных СМІ».
Герт Арэнс адзначыў, што апазіцыі даводзіцца працаваць у цяжкіх умовах. Але пры гэтым назваў і дзве галоўныя памылкі беларускай апазіцыі.
Герт Арэнс: «Першая памылка — раз’яднанасць. Дзевяць адносна малавядомых кандыдатаў — гэта не самы аптымальны варыянт. Другая праблема — недахоп прафесіяналізму ў выбарчай кампаніі. Галоўная задача мусіла быць не пераказваць тое, што частцы выбарцаў і так вядома, але змагацца за тых, хто аддае свае галасы за дзейнага кіраўніка…»
Цяпер чытаюць
Мабільным аператарам забаранілі заганяць беларусаў у вялікі мінус7
Каментары