Ўчора ў менскім палацы тэнісу адбыўся матч кваліфікацыйнага раўнду чэмпіянату Эўропы-2007 па настольным тэнісе сярод жаночых каманд. У госьці да беларусак прыехалі ўкраінкі.
Ўчора ў менскім палацы тэнісу адбыўся матч кваліфікацыйнага раўнду чэмпіянату Эўропы-2007 па настольным тэнісе сярод жаночых каманд. У госьці да беларусак прыехалі ўкраінкі. Нашы паўднёвыя суседкі значна саступаюць беларускам у міжнародным рэйтынгу, але матч выдаўся насамрэч упарты.
У першай гульні сышліся Вікторыя Паўловіч, якая ў сусьветным рэйтынгу займае 22-е месца, адзін з найлепшых паказьнікаў сярод эўрапейскіх тэнісістак, і Тацяна Ткачова (333). Нягледзячы на такую прорву ў рэйтынгу, украінка ўзяла верх, зрабіўшы сэнсацыю.
Аднак родная сястра Вікторыі Вераніка Паўловіч у наступнай гульні без праблем абгуляла першую ракетку ўкраінскай зборнай Маргарыту Пясоцкую – 3:1. Такім чынам, лік матчу выраўняўся.
У трэцім паядынку сышліся маладая беларуска Аляксандра Прывалава і ўкраінка Ганна Гапонава. Гэта была адзіная гульня, у якой суперніца пераўзыходзіла ў рэйтынгу беларуску. Але Прывалава з гонарам выйшла з гэтай сытуацыі, перайграўшы сваю больш дасьведчаную суперніцу зь лікам 3:1.
У апошнім матчы Вікторыя Паўловіч змагла рэабілітавацца перад менскімі гледачамі, пераадолеўшы ў цяжкім пяцісэтавым паядынку, Маргарыту Пясоцкую, прынесшы выніковую перамогу зборнай Беларусі.
Цяпер зборная Беларусі займае ў групе другое месца, саступаючы толькі расейкам, якія атрымалі перамогі абсалютна ва ўсіх матчах.
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары