2011 год аб’яўлены для супрацоўнікаў мінскай міліцыі Годам прафілактыкі правапарушэнняў.
Як паведамілі ў аддзеле інфармацыі і грамадскіх сувязяў ГУУС Мінгарвыканкама, гэта выклікана неабходнасцю кардынальна змяняць падыходы ў прафілактыцы правапарушэнняў. Кожнае дзясятае з усіх учыненых у горадзе злачынстваў адносіцца да катэгорыі цяжкіх ці асабліва цяжкіх. У Мінску назіраецца рост колькасці «п’яных» злачынстваў, непакоіць рэцыдыўная і бытавая злачыннасць, зніжэнне ўзросту злачынцаў.
У сувязі з гэтым кіраўніцтва мінскай міліцыі прыняло рашэнне аб правядзенні ў 2011 годзе маштабнай акцыі, скіраванай на прафілактыку практычна ўсіх відаў правапарушэнняў. Прычым гэта будуць не адзінкавыя мерапрыемствы, а комплексная прафілактычная праграма, падрыхтаваная на ўвесь год. У яе рамках запланавана правядзенне кожны месяц мэтавай акцыі, прысвечанай канкрэтнай праблематыцы.
У межах кожнай такой штомесячнай акцыі запланаваныя як непасрэдна міліцэйскія мерапрыемствы (рэйды, прафілактычная праца з падуліковым кантынгентам і г.д.), так і наватарскія мерапрыемствы для журналістаў.
Мэта акцыі, якая пройдзе ў лютым, — прафілактыка рэцыдыўнай злачыннасці шляхам працаўладкавання раней судзімых асоб, арганізацыя іх вольнага часу.
Тры вясеннія акцыі будуць прысвечаныя забеспячэнню абароны правоў і законных інтарэсаў дзяцей у няпаспяховых сем’ях, прафілактыцы крадзяжоў асабістай маёмасці, забеспячэнню занятасці падлеткаў у летні перыяд.
Летам міліцыя зоймецца прафілактыкай злачынстваў і правапарушэнняў у месцах масавага адпачынку грамадзян, прафілактыкай рэцыдыўнай злачыннасці, працаўладкаваннем раней судзімых, а таксама прафілактыкай правапарушэнняў, што ўчыняюцца наркаманамі.
Прафілактыцы правапарушэнняў непаўналетніх, злачынстваў, што ўчыняюцца ў дварах, пад’ездах, кватэрах, і прафілактыцы правапарушэнняў асобамі, якія стаяць на ўліку, будуць прысвечаны акцыі ў верасні, кастрычніку і лістападзе.
Мэтай снежаньскай акцыі стане прафілактыка правапарушэнняў на глебе п’янства ў побыце.
Цяпер чытаюць
«Я не прадугледзела толькі аднаго: што менавіта гэты кружочак выкарыстаюць супраць мяне». Споведзь Аліны Харысавай пасля скандалу з КДБ35
Каментары