Невядомыя выдалілі адзін з допісаў і ўсе каментары да яго.
Невядомыя выдалілі допіс, на якім было змешчана дакладная запіска Навумава Лукашэнку з матэрыяламі, што кампраметуюць Шэймана, а таксама ўсе каментары да яго.
«Сёння ноччу пасля майго адказу на каментары аднаго празмерна актыўнага «чытача» майго ЖЖ, невядомымі быў выдалены папярэдні допіс з усімі каментарамі. Каментаваць сітуацыю не бачу сэнсу, бо ўсё і так відавочна. Проста зноў публікую выдалены допіс», — напісаў 13 лютага ў сваім дзённіку былы начальнік мінскага СІЗА, палітэмігрант Алег Алкаеў.
У сваім блогу Алкаеў выкладае кампрамат на Віктара Шэймана і яго атачэнне. У сярэдзіне студзеня ён даслаў гэтыя матэрыялы галоўнаму рэдактару «Советской Белоруссии» Паўлу Якубовічу і старшыні КДБ Вадзіму Зайцаву з просьбай азнаёміцца з імі і надрукаваць іх. Не дачакаўшыся адказу, ён пачаў выкладаць матэрыялы ў сваім блогу.
Сёння ён аднавіў выдалены запіс.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі43
Каментары