У Лунінецкім раёне працягваецца пошук двух малалетніх дзяцей, якія зніклі 18 лютага.
У той дзень днём двое хлопчыкаў васьмі і сямі гадоў, якія жывуць у вёсцы Цна, пайшлі гуляць і не вярнуліся дамоў. 18 лютага ў 20.15 у Лунінецкі РАУС звярнуліся іх маці. У 20.50 асабовы склад раённага аддзела ўнутраных спраў быў паднята па сігналу "Трывога", які шукаў дзяцей усю ноч.
Як паведамілі БелаПАН у Лунінецкім РАУС, усе наступныя дні пошукі вядуцца з наступленнем світання і да цемнаты. З 19 лютага да іх былі падключаныя вадалазы, бо дзяцей бачылі ўдвух 18 лютага каля 15.00 непадалёк ад ракі Цна, якая цячэ па вёсцы.
Акрамя іх і супрацоўнікаў міліцыі ўсе гэтыя дні дзяцей шукаюць супрацоўнікі райаддзела па НС і мясцовыя жыхары.
23 лютага працуюць дзве брыгады вадалазаў Асвода. Яны адпрацоўваюць участак ракі Цна: ад вёскі, дзе жывуць дзеці, да вёскі Кажан-Гарадок.
Як адзначалі супрацоўнікі міліцыі, работа вадалазаў ускладняецца практычна нулявой бачнасцю.
Супрацоўнікі міліцыі, МНС і мясцовыя жыхары сёння вядуць пошукі дзяцей у населеных пунктах і сумежных з імі тэрыторыях у двух бліжэйшых сельскіх саветах — Дворацкім і Лахвінскім.
На гэты час нацягнута металічная сетка ў рацэ ў раёне Кажан-Гарадка. Апытаныя праваднікі цягнікоў, якія 18—19 лютага накіроўваліся праз станцыю Лунінец. Арыентаваны ўсе раённыя аддзелы міліцыі вобласці і іншых рэгіёнаў краіны.
Зніклыя хлопчыкі вучацца ў адным класе Цнянскай базавай школы.
Цяпер чытаюць
Качанава прапанавала ўвесці адказнасць за «няпраўду ў тыктоку»13
Каментары