Гродзенскі журналіст выйдзе на волю у пятніцу 25 лютага ў 17.40.
Гродзенскі журналіст выйдзе на волю у пятніцу 25 лютага ў 17.40.
Гэтую інфармацыю пацвердзілі прэс-службе ГА «БАЖ» у цэнтры ізаляцыі правапарушальнікаў на Акрэсціна.
Нагадаем, што 11 лютага суддзя Кастрычніцкага раённага суда Мінска Наталля Пратасавіцкая, якая трапіла ў спіс невыязных у краіны ЕС, прысудзіла журналіста да 15 сутак арышту. Пачобута абвінавацілі ва «ўдзеле» ў несанкцыянаванай акцыі 19 снежня («Парушэнне парадку арганізацыі альбо правядзення масавага мерапрыемства», ч. 3 арт. 23.34 КаАП).
Андрэй Пачобут быў затрыманы 19 снежня 2010 г. на плошчы Незалежнасці і суткі правёў у аўтазаку. Таму, калі 11 лютага яго ўсё ж пакаралі арыштам, Андрэй разлічваў выйсці на волю раней.
Яго справа разглядалася ў судзе Кастрычніцкага раёну. Але ў апошні момант журналіста вызвалілі, заявіўшы, што па яго справа накіраваная на дадатковую праверку.Пазней суд Кастрычніцкага раёна ўсё ж пакараў журналіста штрафам у памеры 1.750.000 рублёў за «ўдзел у несанкцыянаваным мітынгу». Пракуратура палічыла такі прысуд занадта мяккім, Мінскі гарадскі суд пагадзіўся з гэтымі прэтэнзіямі і прызначыў перагляд справы.
Справа Пачобута выклікала рэзананс як у краіне, так і за яе межамі. Рада апазіцыйнага саюза палякаў звярнулася да прэзідэнта Польшчы Браніслава камароўскага з просьбай паспрыяць вызваленню Пачобута. Неадкладнага вызвалення журналіста запатрабаваў старшыня Еўрапейскага парламента Ежы Бузэк.
Не забылі пра Андрэя і калегі: у часе арышту яму рэгулярна перадаваліся перадачы.
Глядзі яшчэ: Пачобут публікуе адказ КДБ пракуратуры па сваёй справе
Каментары