Нацбанк хутчэй пагодзіцца на 100% аднаразовую дэвальвацыю беларускага рубля, чым пойдзе на замарожванне валютных укладаў.
Нацбанк Беларусі катэгарычна абверг магчымасць замарожвання валютных укладаў насельніцтва ў беларускіх банках.
«Такія каментары і экспертныя меркаванні толькі падаграваюць і без таго няпростую сітуацыю на беларускім фінансавым рынку», — afn.by цытуе неназванага прадстаўніка Нацбанку, які каментуе агучанае ўчора меркаванне гендырэктара ЗАТ «Белросстрах» Віктара Лаўрусенкі. Лаўрусенка, нагадаем, выступіў за замарожванне ўкладаў.
«Незалежна ад таго, хто выступае ўласнікам банка — прыватны бізнэс або дзяржава, уклады заўсёды і ў поўным аб’ёме вярталіся ўкладчыкам, у тым ліку і за кошт бюджэтных сродкаў. Сёння беларускае заканадаўства прадугледжвае, што любы дэпазітны ўклад можа быць запатрабаваны яго ўладальнікам на працягу 5 дзён», — падкрэсліў прадстаўнік Нацбанку.
Неназваны прадстаўнік аднаго з камерцыйных банкаў, спасылаючыся на пазіцыю кіраўніцтва Нацбанку, сказаў, што Нацбанк хутчэй пагодзіцца на 100% аднаразовую дэвальвацыю беларускага рубля, чым пойдзе на замарожванне валютных укладаў.Нацбанк лічыць рост дэпазітаў насельніцтва важнай заваёвай банкаўскай сістэмы краіны.
Як вядома, аб’ём дэпазітаў рос да лютага, але ў сакавіку фінансавы крызіс выклікаў паніку на валютным рынку. Гэта прывяло спачатку да масавага адтоку валютных укладаў, а цяпер перакінулася і на рублёвыя. Непакой справакавалі кепскія фінансавыя паказчыкі Беларусі. Валютныя рэзервы краіны рэзка знізіліся на фоне затратнай кампаніі «выбараў» Аляксандра Лукашэнкі. Дзеля стымулявання эканамічнага росту і росту зарплат у гаспадарку перад выбарамі былі ўпампаваныя значныя сродкі, што прывяло да перагрэву эканомікі.
Перамовы пра іх працягваюцца, але Масква абстаўляе пазыкі ўмовамі. Фармальна гаворка ідзе пра аздараўленне фінансавай палітыкі Беларусі, пра неафіцыйныя бакі перамоваў інфармацыі няма.Улады звязваюць надзеі на стабілізацыю фінансавага рынку з атрыманнем новых крэдытаў ад Расіі.
Да сённяшняга дня большасць экспертаў сыходзілася ў меркаванні, што здабыцця расійскіх крэдытаў будзе дастаткова для нармалізацыі сітуацыі на фінансавым рынку.Калапс фінансавай сістэмы і неплатаздольнасць Беларусі не падаваліся імаверным варыянтам. Рэч у тым, што экспартная каньюнктура на асноўныя беларускія тавары (калій, нафтапрадукты, хімія, сельгаспрадукты) надзвычай спрыяльная, а асноўныя замежныя рынкі збыту перажываюць паслякрызісны рост.
-
«Усю выгаду ад гэтага займее Масква і Пуцін». Пазняк даў ацэнку візіту Ціханоўскай ва Украіну
-
Як будуць развівацца падзеі, калі Масква зноў, як і ў 2022, пачне наносіць удары па Кіеве з тэрыторыі Беларусі? Магчымыя сцэнары
-
Калеснікава: Я ніколі не кажу пра ваенныя санкцыі. Але існуе спартыўны трэк, памежныя пытанні, медыцына — усё што заўгодна
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў11
Каментары