Легалізацыя рынкавага курса: пробныя таргі на БВФБ запланаваны на 8 верасня
Пробныя таргі ў межах падрыхтоўкі да адкрыцця дадатковай гандлёвай сесіікуплі-продажу замежнай валюты на Беларускайвалютна-фондавай біржы (БВФБ) запланаваны на 8 верасня.
«Тэставыя таргі ўжо праводзяцца, а заўтра плануецца правесці тэставыя таргі з прыцягненнем шырокага кола ўдзельнікаў», — паведамілі БелаПАН на БВФБ.
Дата адкрыцця паўнавартаснай дадатковай гандлёвай сесіі афіцыйна яшчэ не ўстаноўлена,
але ў якасці найбольш верагоднай называюць 15 верасня.
Нагадаем, на нарадзе 30 жніўня Аляксандр Лукашэнка заявіў аб прынцыповым рашэнні адкрыць у сярэдзіне верасня дадатковую сесію на біржы, падчас якой будзе вызначацца рынкавы абменны курс беларускага рубля. У далейшым кіраўнік дзяржавы паставіў задачу выйсці на раўнаважны курс, на падставе рынкавых прынцыпаў
Нацыянальны банк Беларусі заяўляе пра намер ажыццяўляць толькі кропкавыя, кан’юнктурныя інтэрвенцыі на дадатковай гандлёвай сесіі. «Кан’юнктурныя ваганні будуць гасіцца інтэрвенцыямі Нацбанка. У цэлым жа, не поўнасцю, але ў асноўным, курс другой сесіі будзе вызначацца попытам і прапановай», — паведаміў 2 верасня журналістам першы намеснік старшыні праўлення Нацбанка Мікалай Лузгін.
Рыжанкоў: Бачыў, нехта там пісаў пра нейкія правы чалавека. У ААН да Беларусі прэтэнзій няма2
Каментары