Міхалок наняў адваката, але пракурор кажа, што справы няма
«Пракуратура толькі праводзіць праверку», — заявіў ён.
«Так, Міхалок наняў адваката, які цяпер разбіраецца з узніклай сітуацыяй», — распавёў «КП» прадзюсар «Ляпіса Трубяцкога» Яўген Калмыкоў, тлумачачы, што
пакуль больш сказаць нічога не можа.
Нагадаем, на мінулым тыдні па беларускім адрасе Міхалка прынеслі позву з пракуратуры. Ліст уручылі маме Сяргея; сам музыка ў гэты час знаходзіўся ў Маскве.
У інтэрнэце адразу ж папаўзлі чуткі, што ў дачыненні да музыкі распачалі крымінальную справу. Маўляў, занадта шмат крытыкі выдаў Міхалок у інтэрв’ю расійскім выданням. Ці выльецца гэтая крытыка ў гучную справу — пакуль невядома.
«Ляпіс Трубяцкой» цяпер гастралюе, у наступныя месяцы — 10 канцэртаў у Латвіі, Расіі, Украіне. Найбліжэйшы — 21 кастрычніка ў Рызе. Ясная справа, што часу прыехаць на радзіму, каб з’явіцца на гутарку ў пракуратуру, у Міхалка няма.
Генпракуратура ж сёння афіцыйна паінфармавала грамадскасць, што крымінальная справа ў дачыненні да Міхалка не распачатая і «ніякіх следчых дзеянняў, натуральна, не праводзілася», — паведаміў начальнік упраўлення па наглядзе Павел Радзівонаў. «Пракуратура толькі праводзіць праверку», — заявіў ён.
Цяпер чытаюць
Ціханоўскі: Ціханоўскай можна было ў 2020‑м не пабаяцца турмы. І, можа, у беларусаў быў бы шанец112
Каментары