1 лістапада на «Белсаце» ў 21:40 прэм’ера найноўшага фільма Галіны Адамовіч.
Найшоўшы фільм Галіны Адамовіч «Дзень памінання» распавядае пра некалі вялікую і прыгожую вёску Будзішча, што на мяжы Беларусі і Расіі. Пасля аварыі на Чарнобыльскай АЭС амаль усе жыхары вёскі былі адселены. Некалькі старых ды хворы хлопец Аляксей Прываловіч са сваімі бацькамі, засталіся жыць ў Будзішчах. Прагажосць прыроды, каларыт мясцовых жыхароў, наяўнасць святой крыніцы зачаравалі японскіх кінадакументалістаў, выпадкова завітаўшых у 2001 годзе ў вёску. Японскі рэжысёр Сейшы Матахашы зрабіў некалькі вялікіх фільмаў пра Будзішча (самы вядомы і ўшанаваны — «Аляксей і крыніца»). Недзе ў 2005 годзе прыехалі японцы зноў у Будзішча і пахавалі нешта пад старой грушай, ля крыніцы. З таго часу існуе ў вёсцы легенда, што пад грушкай пахавалі прах японскага рэжысёра, якому так спадабалася беларуская вёска... Толькі на Радуніцу збіраюцца былыя вяскоўцы ў Будзішча: упарадкаваць родныя магілы, паглядзець адзін на аднаго, нагадаць «як японцы кіно здымалі». Жыццё паціху уцякае з гэтага месца. Вельмі хутка здымаць тут можна будзе толькі віры ў крыніцы.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам42
Каментары