Вярбовачны скандал: актывіста сацыяльных сетак змушалі пранікнуць у камп'ютары актывістаў
Студэнт Інстутыта журналістыкі БДУ Максім Чарняўскі выклаў здымкі КДБшніка Дзімы, які яго вербаваў, і аўдыёзапіс захапляльнай размовы.
Чарговы скандал вакол беларускага КДБ: студэнт Інстытута журналістыкі Белдзяржуніверсітэта Максім Чарняўскі выклаў здымкі супрацоўніка спецслужбаў «куратара Дзімы», які яго вербаваў, і аўдыёзапіс размовы. Інфармацыя з'явілася ў блогу Мікалая Халезіна.
Аўдыё: асцярожна, супрацоўнік КДБ выкарыстоўвае нецэнзурную лексіку.
Максім Чарняўскі быў адміністратарам суполкі «Надакучыў нам гэты Лукашэнка» ў сацыяльнай сетцы «Укантакце» і стваральнік сайта Gonzo.by. 13 ліпеня яго запрасілі ў КДБ для «прафілактычнай гутаркі», але замест яе Максім трапіў на пяцігадзінны допыт. У выніку ён быў змушаны згадзіцца на нібыта супрацоўніцтва.
КДБ хацеў адправіць яго ў Польшчу, каб уцерціся ў давер да лідара «Рэвалюцыі праз сацыяльныя сеткі» Вячаслава Дзіянава. Перад выездам Чарняўскаму выдалі камп'ютарны дыск з траянам-шпіёнам, які ён павінен быў актываваць на камп’ютары Дзіянава і, па магчымасці, іншых апазіцыйных актывістаў.
Як вынікае, з аўдыёзапісаў, зробленых Чарняўскім, кадэбіст спрабаваў згуляць на імкненні Чарняўскага да самарэалізацыі, а таксама прабудзіць у ім пачуцці зайздрасці. «Жыць трэба для сябе, — вучыць вярбоўшчык, — Бяры грошы і думай пра сябе». Ён настойліва, шмат разоў прапануе 18-гадоваму Чарняўскаму грошы.
Цяпер Максім Чарняўскі ў бяспецы — ён працягне адукацыю ў Польшчы.
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
-
Лукашэнка паводзіць сябе ў «макдональдсе» як у савецкай сталоўцы. І думае, што гэта крута
-
Пуцін ужо павіншаваў Маджтабу Хаменеі, а Лукашэнка не. Чаго чакае?
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»14
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары