«Газпрам» і «Белтрансгаз» урэгулявалі пытанне цаны на
«Газпрам» і «Белтрансгаз» урэгулявалі пытанне аплаты за газ, які пастаўляецца ў другім паўгоддзі 2011 года, падпісаўшы ў панядзелак дадатковае пагадненне, згодна з якім «Белтрансгаз» аплаціць газ у другім паўгоддзі гэтага года па 244,8 даляра за тысячу кубаметраў замест цэнаў трэцяга і чацвёртага квартала ў 279,16 і 305,72 долара адпаведна, гаворыцца ў паведамленні расійскага газавага холдынгу.
У панядзелак, у развіццё дасягнутых 25 лістапада дамоўленасцей, ААТ «Газпрам» і ААТ «Белтрансгаз» падпісалі дадатак да кантракту аб’ёмах і ўмовах пастаўкі газу ў Беларусь і транзіту газу праз яе тэрыторыю ў 2007–2011 гадах.
«Згодна з дакументам, ААТ «Белтрансгаз» ажыццяўляе частковую аплату прыроднага газу, які пастаўляецца «Газпрамам» у другім паўгоддзі 2011 года, — па 244,8 даляра за тысячу кубаметраў, а не па цэнах трэцяга і чацвёртага кварталаў, разлічаных у адпаведнасці з кантрактам (адпаведна 279,16 даляра і 305,72 даляра). Аплата пазасталай сумы плацяжу за пастаўлены ў другім паўгоддзі 2011 года расійскі газ будзе рабіцца «Белтрансгазам» штомесячнымі плацяжамі на працягу 2012 года», — гаворыцца ў паведамленні.
Раней паведамлялася, што «Белтрансгаз» аплачваў газ у трэцім квартале ніжэй кантрактнай цаны і звярнуўся ў «Газпром» з просьбай аб адтэрміноўцы.
Каментары