Вынікі абследавання сем'яў: Кожны другі беларус жыве менш чым на 900 тыс. у месяц
Белстат апублікаваў сваю статыстыку.
Нядаўна Белстат падвёў вынікі абследавання ўзроўню жыцця хатніх гаспадарак (калі казаць проста -- сем'яў) за студзень - верасень 2011 года.
Калі глядзець на гэтыя лічбы ў рублях, атрымліваецца, што мы сталі багацейшымі. Напрыклад, у 2010 годзе (у студзені-верасні) тых, хто мог выдаткаваць у месяц больш 1,2 млн. рублёў, было 10,9%. А ў гэтым годзе (за такі ж перыяд) - амаль 30%!
Затое самая шматлікая катэгорыя - тыя, хто можа выдаткаваць на сябе ў месяц да 900 тысяч.
Атрымліваецца,
што ў дзень кожны другі беларус можа выдаткаваць не больш за 30 тысяч у дзень.
На гэтую суму можна дазволіць сабе два талончыкі і сціплы абед у кафэ. Хочаце харчавацца тры разы на дзень? Можна купіць тры чызбургеры або згатаваць бутэрброды самому. Грошай хопіць на батон, 200 грам сыру, 200 грам «Доктарскай» і пакет малака ў прыдачу. Аматары здаровага ладу жыцця могуць прайсціся пешшу і купіць сабе па 1,5 кілаграма яблыкаў і бананаў. А вось каб аплаціць жыроўку у ацяпляльны сезон (у аднапакаёўкі) ад штодзённых тратаў трэба адмовіцца дні на 4.
Дарэчы, сярод сем'яў з дзецьмі, хто жыве максімум на 900 тысяч рублёў у месяц на чалавека, значна больш - 63,3%.
Адзіночкам (гэта значыць хатнім гаспадаркам, якія складаюцца з аднаго чалавека) у гэтым пытанні прасцей - такой сумай валодаюць 42,2%, а астатнія могуць выдаткаваць болей.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары