Горад Дума на паўночным усходзе ад Дамаска пасля зацятых баёў перайшоў пад кантроль байцоў узброенай апазіцыі, якая складаецца, пераважна, з былых салдат сірыйскай арміі.
Сірыйская праваабарончая арганізацыя паведамляе, што бітва паміж паўстанцамі і сірыйскімі сіламі бяспекі працягвалася да позняй ночы.
Па словах праваабаронцаў, раней чатыры чалавекі загінулі ў Думе, калі сірыйскія сілы адкрылі агонь па пахавальнай працэсіі.
Горад Дума насельніцтвам прыкладна 120 тысяч чалавек знаходзіцца за 20 кіламетраў ад сталіцы краіны.
Баявыя дзеянні ў Сірыі актывізаваліся за дзень да таго, як Ліга арабскіх дзяржаў на сустрэчы на ўзроўні міністраў павінна прыняць рашэнне аб місіі сваіх назіральнікаў.
Каментары