Індэкс спажывецкіх цэн на тавары і платныя паслугі насельніцтву (інфляцыя) з 7 па 14 лютага 2012 года, паводле ацэнкі Нацыянальнага статыстычнага камітэта, узрос на 0,4%, з пачатку лютага да сярэдніх цэн студзеня 2012 года — на 0,9%. Такім чынам, паводле ацэнкі экспертаў, з пачатку года інфляцыя склала 2,8%.
Найбольшы прырост цэн з пачатку месяца адзначаны на бананы (12,3%), малако згушчанае з цукрам (5,1%), бульбу (4,3%), агуркі свежыя (3,2%), ялавічыну бескасцёвую, піва (2,6%), гарэлку (2,3%), капусту свежую, буракі, памідоры свежыя, гарбату, тытунёвыя вырабы (1-1,3%), медыкаменты (2,5%), тканіну баваўняную (1,1%), посуд (0,9%), паслугі вышэйшай адукацыі (9,8%), санаторна-аздараўленчыя, бытавыя паслугі (3,7%), медыцынскія паслугі (2,5%).
Інфармацыя падрыхтавана на аснове штотыднёвай рэгістрацыі спажывецкіх цэн на 153 віды тавараў і паслуг у 31 горадзе рэспублікі.
Нагадаем, што ў 2011 годзе інфляцыя ў Беларусі склала 108,7%. Згодна з прагнозам, у 2012 годзе яна павінна скласці 19—22%.
Чаму амерыканцы так ірвуцца на Месяц, што там будуць здабываць? І што да таго беларусам? Тлумачыць беларускі астрафізік6
Каментары