Бліны, атракцыёны, спаленне пудзіла зімы.
25 лютага на святкаванне «Масленіцы» запрашае музейны комплекс старадаўніх народных рамёстваў і тэхналогій «Дудуткі». Госці змогуць навучыцца страляць з сярэднявечнага лука і паўдзельнічаць у турніры лучнікаў, пазмагацца ў турніры на бяспечнай зброі або мяшках з саломай, паспрабаваць свае сілы ў кіданні рыцарскіх дзідаў і баявых сякер і ў іншых сярэднявечных забавах. Акрамя гэтага, на працягу ўсяго дня, гасцей чакаюць
жывая музыка і майстар клас па беларускіх народных танцах, гарачыя бліны, дранікі, шашлыкі пад адкрытым небам, катанне на кані і ў санках,рамесныя майстэрні (кузня, ганчарная майстэрня, майстэрні дрэваапрацоўкі, саломапляцення, лозапляцення, ткацтва), традыцыйнае спальванне пудзіла «Марены» і карагоды вакол вогнішча ў канцы свята.
Таксама запланаваныя паказальныя выступленні лётчыкаў аэраклуба ў Войраўцы.
Даведкі па т.:Пачатак свята, а 12.00.
Запрашае на свята Масленіцы і Цэнтральны батанічны сад.
Там можна будзе паласавацца смачнымі блінамі, атрымаць асалоду ад гарачай гарбаты, настоенай на травах, і глінтвейну, а таксама быць удзельнікам тэатралізаванага прадстаўлення правадоў зімы.
Кульмінацыяй свята застаецца спаленне пудзіла зімы, якое ўвасабляе ўсё самае дрэннае і цёмнае.
Таксама ў праграме —
катанне на паветраным шары (пры добрых метэаўмовах),забаўляльныя атракцыёны: санкі, багі і квадрацыклы на тэрыторыі батанічнага саду і выстава
Пачатак, а 11.00.
Каментары