Кіроўца, які разбіўся на пр. Незалежнасці 7 студзеня, ехаў з хуткасцю 153 км/г
Завершана расследаванне рэзананснай аварыі ў Мінску, у якой загінулі два чалавекі.
Пракуратура Мінска паведаміла падрабязнасці расследавання рэзананснай аварыі на праспекце Незалежнасці ў ноч на 7 студзеня 2011 года, паведамляе партал Auto.onliner.by.
Нагадаем, што тады кіроўца BMW не справіўся з кіраваннем. Спачатку машына зачапіла бардзюр, а затым ўрэзалася ў агароджу падземнага пераходу і загарэлася. У аўто знаходзіліся тры чалавека — афіцэры расійскай арміі.
Згодна вынікаў расследавання, на момант аварыі легкавік рухаўся з хуткасцю 153,8 км/г. Пры ўдары аб канструкцыю падземнага перахода непрышпіленыя рамянямі бяспекі пасажыры выпалі з салона аўто. Адзін з іх упаў на газон і ад атрыманых раненняў загінуў на месцы. Другі пасажыр упаў на прыступкі перахода, але цудам застаўся жывы.
Як устанавіла экспертыза, кіроўца аўто загінуў не ад траўмаў, атрыманых у аварыі, а ад апёкаў. На момант здарэння ён быў нецвярозы. Крымінальная справа спыненая па прычыне смерці кіроўцы.
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары