Праграма Тэмпус накіраваная на падтрымку мадэрнізацыі вышэйшай адукацыі ўва Ўсходняй Эўропе, Цэнтральнай Азіі, Заходніх Балканах і Міжземнаморскім рэгіёне. Праграма‑флягман па супрацоўніцтве ЭЗ з краінамі‑суседзямі ў галіне вышэйшай адукацыі ўступае ў новую фазу 2007‑2010 гг., што называецца Тэмпус IV.
Тэмпус зьяўляецца адзінай праграмай фінансаваньня, якая закранае ўсе аспекты вышэйшай адукацыі: яна падтрымлівае рэформы ўніверсытэтаў у краінах‑партнэрах, у тым ліку неабходныя зьмены ў навучальныя праграмы ў адпаведнасьці з Балёнскім працэсам. Яе посьпех адлюстраваны ў нядаўнім дасьледваньні, якое паказвае, што Тэмпус разглядаецца як адчыненае вакно ў эўрапейскі акадэмічны свет. Праграма аказала вялікую дапамогу ў пабудове супрацоўніцтва з эўрапейскімі ўнівэрсытэтамі.
У апошнія 17 гадоў Тэмпус прафінансаваў 6500 праектаў, якія ахапілі 2000 унівэрсытэтаў з краінаў ЭЗ і краінаў‑партнэраў.
Значная ўвага, якая надаецца ўзмацненьню інстытуцыянальнага супрацоўніцтва паміж эўрапейскімі ўнівэрсытэтамі і іх патрнэрамі з суседніх краінаў, адрозьнівае Тэмпус ад іншых міжнародных ініцыятываў па разьвіцці.
Чакаецца, што гадавы бюджэт Тэмпус на пэрыяд 2007‑2013 гг. складзе каля 50 мільёнаў эўра.
❏
Поўны спіс краінаў‑удзельніц: Албанія, Боснія і Герцагавіна, Харватыя, былая югаслаўская рэспубліка Македонія, Чарнагорыя, Сэрбія, Арменія, Азербайджан, Беларусь, Грузія, Казахстан, Кыргыстан, Малдова, Расея, Таджыкістан, Туркмэністан, Украіна, Узбэкістан, Алжыр, Эгіпет, Ярданія, Лібан, Марока, Палестына, Сырыя, Туніс.
Каментары