Пры гэтым у каардынатара «Еўрапейскай Беларусі» была на руках даведка, што выезд яму дазволены.
Аляксандр Атрошчанкаў збіраўся наведаць Вільню разам з жонкай з турыстычнай мэтай. Напярэдадні ён атрымаў з аддзела па грамадзянстве і міграцыі Цэнтральнага раёна Мінска даведку, што выезд за межы краіны яму дазволены, паведамляе Хартыя'97.
Аднак на станцыі «Гудагай» Атрошчанкава знялі з цягніка, забралі пашпарт і пасля праверкі звестак заявілі, што выезд з краіны яму забаронены. У дакументы паставілі адпаведны штамп.
* * *
Нагадаем, што Аляксандра Атрошчанкава, Анатоля Лябедзьку і Сяргея Калякіна ў ноч на 28 сакавіка знялі ў Оршы з цягніка Мінск — Масква, абвінавацілі ў дробным хуліганстве і на наступны дзень аштрафавалі на 10 базавых велічыняў (па 350 тыс. рублёў).
Спіс тых прадстаўнікоў незалежнага грамадства, каго не выпусцілі за мяжу, вырас да 17 чалавек.З пачатку сакавіка адмову ў выездзе за мяжу атрымалі апазіцыйныя палітыкі Анатоль Лябедзька, Віктар Карняенка, Сяргей Калякін, Валерый Ухналёў, Вінцук Вячорка, Леў Марголін і Станіслаў Шушкевіч, праваабаронцы Валянцін Стэфановіч, Алег Гулак, Гары Паганяйла, Алег Волчак і Андрэй Бандарэнка, журналісты Жанна Літвіна, Міхаіл Янчук і Андрэй Дынько. Мяркуючы па пазовах выезд за мяжу забаронены Віктару Івашкевічу і Дзмітрыю Усу.
Цяпер да іх дадаўся Аляксандр Атрошчанкаў.
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро13
Каментары