Кіроўца «Kia», які кінуў сяброўку, што загінула, на месцы аварыі, арыштаваны
Трэцякурснік БДУ падстрыгся і сядзеў удома ў Наваполацку.
Нагадаем, гэты аўтамабіль у ноч з 4 на 5 красавіка ўрэзаўся ў слуп на пр. Незалежнасці ў Мінску. У выніку аварыі загінула маладая пасажырка. Кіроўца збег. У вышук быў абвешчаны трэцякурснік БДУ Арцём П. (1991 г.н.). У пятніцу яго ўдалося затрымаць, а сёння прынятае рашэнне пра яго арышт, паведаміў начальнік аддзела пракуратуры Мінска Ягор Дарожка.
Аварыя адбылася каля 2:15 ночы. Аўтамабіль рухаўся з боку МКАД у напрамку вул. Каліноўскага. Каля Маскоўскіх могілак ён урэзаўся ў слуп. Пасажырка 1992 г.н. загінула. Ратавальнікі толькі з дапамогай спецінструменту змаглі дастаць цела дзяўчыны (яно знаходзілася на пярэднім сядзенні).
Пошукі кіроўцы працягваліся паўтара тыдня. Паводле інфармацыі onliner.by, чамадан і сумкі, якія знаходзіліся ў аўтамабілі, належаць яму. Ён перабіраўся з аднаго здымнага жылля на іншае. Адразу пасля аварыі яго амаль атрымалася затрымаць. У месцы, куды ён адправіўся адразу пасля ДТЗ, пабывалі аператыўнікі, аднак там яго ўжо не было.
У выніку Арцём П. быў затрыманы ў мінулую пятніцу, у 16:05, у Наваполацку, дзе ён і жыве. Па словах супрацоўнікаў пракуратуры, малады чалавек пастрыгся. Пазнаць яго па фота было праблематычна.
— Ён не адмаўляе, што знаходзіўся за рулём Kia ў момант аварыі, — заўважыў Ягор Дарожка. — На пытанне, чаму хаваўся, адказвае: быў у шокавым стане. Цяпер высвятляецца, пры якіх абставінах здарылася ДТЗ. Да суда падазраваны будзе знаходзіцца пад вартай.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца9
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары