У першым беларускім хостэле ў Празе гучыць беларуская мова і падаюць беларускія стравы. Над уваходам — бел-чырвона-белы сцяг. Гэта першае месца такога кшталту ў Чэхіі.
Гаспадыня хостэлу — ураджэнка Беларусі. Пераехала ў Прагу 8 гадоў таму. Даўно марыла адчыніць свой хостэл. У верасні арэндавала 3-павярховы катэдж, сама зрабіла рамонт. Размаўляе прынцыпова па-беларуску. У хостэле ўжо жывуць некалькі чалавек — студэнты з Беларусі і Украіны. Даглядае парадак пёс Чыкаціла. Гаспадыня тут — і прыбіральшчыца, і кухарка, і сакратарка.
Ёсць аднаасабовыя, двухасабовыя, шасціасабовыя пакоі. Гаспадыня запрашае прайсці на кухню. У меню — беларускія стравы: дранікі, аладкі, салата аліўе. Эксклюзіў хостэла — беларускае сала.
Для беларусаў — зніжкі. За ноч — 250 кронаў (каля 10 еўра). Для расейцаў, украінцаў — 400 кронаў. Сняданак — 50 кронаў (2 еўра). Гаспадыня разьлічвае на беларускіх студэнтаў, ім яна плянуе здаваць спальныя месцы па 4—5 тысячаў кронаў на месяц (200—250 даляраў).
Аляксей Францкевіч, лідар «Саюзу за мадэрнізацыю», зарэгістраванага ў Чэхіі, лічыць, што хостэл можа служыць месцам правядзення беларускіх мерапрыемстваў. Паводле яго, у хостэле могуць спыняцца не толькі студэнты, але і музыкі, акторы, а таксама палітуцекачы з Беларусі.
Адрас: Jižní II 3112/4, Praha 4, 141 00 Praha, Záběhlice
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары