Алег Гулак і Валянцін Стэфановіч чакалі разгляду скаргі чатыры месяцы.
Суды па скаргах кіраўніка праваабарончай арганізацыі «Беларускі Хельсінкскі камітэт» (БХК) Алега Гулака і праваабаронцы Валянціна Стэфановіча на ўключэнне іх у базу невыязных з Беларусі пройдуць 16 ліпеня. Пра гэта паведаміў Стэфановіч.
Паводле яго слоў,
разгляд скаргаў адбудзецца ў судзе Цэнтральнага раёна Мінска. «Разглядаць скаргі і маю, і Гулака будзе суддзя Алена Семак. Ёй спатрэбілася амаль чатыры месяцы, каб прызначыць дату разгляду. Згодна з заканадаўствам, такія справы павінны быць разгледжаны на працягу месяца», — адзначыў праваабаронца.
Разбор па скарзе Гулака прызначаны на 11.00, Стэфановіча — на 14.30.
Нагадаем, 13 сакавіка Гулаку была выдадзена даведка аб тым, што з 5 сакавіка яму забаронены выезд з Беларусі. З дакумента вынікала, што Гулаку выстаўлены грамадзянскі іск у судзе. Аднак пра такі іск праваабаронца нічога не ведаў, ніводзін суд не інфармаваў яго аб унясенні ў «спісы невыязных».
11 сакавіка пры перасячэнні дзяржаўнай мяжы ў пагранічным пераходзе «Каменны Лог» Стэфановічу было адмоўлена ў праве выезду з краіны. 13 чэрвеня Стэфановіч атрымаў ліст ад начальніка дэпартамента па грамадзянстве і міграцыі МУС Аляксея Бегуна, у якім гаварылася, што праваабаронца быў уключаны ў базу невыязных
Варта адзначыць, што
22 чэрвеня кіраўнік юрыдычнай службы БХК Гары Паганяйла дамогся ў судзе Маскоўскага раёна выключэння яго са спісу асоб, выезд якім за мяжу часова абмежаваны.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна11
Каментары