Вайсковыя ведамствы не здолелі дапамагчы ў выкупе «Вялікага мастацтва артылерыі»
Асоба Казіміра Семяновіча недаацэненая і амаль забытая на радзіме. Ён, жыў у часы, калі на палях бітвы панавала конніца. І з свайго стагоддзя шабляў і пікаў Семяновіч здолеў пабачыць касмічную эру. Па падручніку «Вялікае мастацтва артылерыі», напісаным гэтым ваяром і інжынерам, вучыліся амаль трыста гадоў.
Цяпер у беларусаў з’явіўся шанец атрымаць арыгінал славутага трактата. Магілёўскі гістарычны музей, які ўжо вярнуў Беларусі Статут ВКЛ, ініцыяваў збор сродкаў на выкуп кнігі Семяновіча «Вялікае мастацтва артылерыі». Выданне прадаецца на
На дадзены момант сабрана ўсяго трохі больш за тры мільёны рублёў.Цяперашні ўласнік гатовы пачакаць да канца лета, пакуль збяруцца грошы.
Што ж гэта за кніга? Семяновіч пачаў захапляцца артылерыяй з ранніх гадоў. Пазней ён удзельнічаў у шматлікіх ваенных паходах, (у тым ліку ў Трыццацігадовай вайне, бітве войскаў Рэчы Паспалітай з татарамі пад Ахматавам). Ён разумеў ролю і сілу артылерыі і хацеў зацікавіць ёй суайчыннікаў. Шляхта ж лічыла справу артылерыста ніжэй сваёй рыцарскай годнасці, ад чаго пакутавала войска і дзяржава ў цэлым. «Вялікае майстэрства артылерыі» — спроба навукова разглядзець вайсковую справу, даць ваярам тэарэтычныя веды, якія дапамаглі б перамагаць.
Семяновіч у сваёй кнізе пісаў, што «заахвоціла і схіліла яго да напісання „Артылерыі“, жаданне паслужыць Айчыне і суродзічам…»Французскамоўнае выданне «Вялікага мастацтва…», якое трапіла на продаж — апошняе, што выйшла пры жыцці аўтара, у 1651 годзе ў Амстэрдаме, у друкарні Яна Янсэна.
Неўзабаве Семяновіч загінуў пры загадкавых абставінах — гісторыкі дапускаюць, што навуковец быў забітыза тое, што ў сваёй кнізе раскрыў сакрэты артылерыі.
Па словах эксперта Змітра Яцкевіча, што правёў папярэднія даследаванні, кніга знаходзіцца ў выдатным стане, і яе сапраўднасць не выклікае сумневаў —
цалкам захаваліся два дзясяткі гравюраў рукі самаго Семяновіча,якімі аздобленае выданне.
Мала хто ведае, аднак менавіта ў «Вялікім мастацтве артылерыі» ўпершыню з’явілася апісанне шматступенчатай ракеты — першага правобраза сучасных касмічных ракет.Гэта кніга займела сусветную папулярнасць і трапіла ў найлепшыя бібліятэкі Еўропы. Дарэчы,
па сведчаннях біёграфаў расейскага вучонага Цыялкоўскага, яго знаёмства з ракетнай справай пачыналася з працаў Семяновіча.Гэта значыць, яны былі актуальныя нават у канцы ХІХ ст., праз 250 гадоў пасля выдання!
Сумневаў у тым, што асобнік «Вялікага мастацтва» мусіць быць у Беларусі няма. Застаецца адвечная праблема — грошы. Вайсковыя ведамствы, да якіх звярнуліся ініцыятары, не змаглі дапамагчы выкупіць кнігу: спаслаліся на тое, што іх бюджэты былі размеркаваныя раней. Такім чынам, усе спадзяванні на энтузіястаў і людзей, неабыякавых да сваёй гісторыі.
Грошы на набыццё кнігі можна пералічваць на адрас або на рахунак «Музея гісторыі Магілёва»:
УК «Музей гісторыі Магілёва»
212030 г. Магілёў, вул. Ленінская, 1, А, тэл.
УНП 790203960
Філіял 700 МАУ ААТ «АСБ Беларусбанк» МФА 153801536
г. Магілёў, вул. Першамайская, 71
Дырэктар Бацюкоў Аляксей Мікалаевіч
У пазначэнні плацяжа указваць «На развіццё музейнай справы і ахову
Сачыць за колькасцю пералічаных грошай можна тут.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?6
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары