Ён узняў яго на рогі і пачаў трэсці. Медыцынская дапамога грыбніку не спатрэбілася.
Інцыдэнт адбыўся ў лесе недалёка ад мястэчка Поразава. Мясцовы жыхар, супрацоўнік раённага аддзела па надзвычайных сітуацыях, у свой выхадны адправіўся ў грыбы.
Паводле яго слоў, у лесе ў гэты дзень было даволі шмат людзей. Зайшоўшы ў гушчар, ён убачыў на сцежцы за 4 м ад сябе зубра. Мясцовыя жыхары ведаюць, што жывёлы свабодна ходзяць у лесе, аднак звычайна трымаюцца далей і статкамі, да людзей так не падыходзяць.
Калі грыбнік паспрабаваў даць задні ход, зубр наблізіўся, падхапіў мужчыну за куртку на рогі і стаў трэсці. Крутка парвалася, а пацярпелы ўпаў.Тады зубр некалькі разоў ударыў капытамі ў грудзі. Грыбнік абараняўся грыбным кашом. Неўзабаве, зрэагаваўшы, мабыць, на гучны крык ахвяры, зубр павярнуўся і пайшоў.
Мужчына вярнуўся дадому з рознымі пашкоджаннямі і ўдарамі, але кваліфікаваная медыцынская дапамога яму не спатрэбілася.Аб інцыдэнце ён паведаміў у лясніцтва. Поразаўскае лясніцтва ўваходзіць у склад «Нацыянальнага парка «Белавежская пушча», на яго тэрыторыі таксама размешчаны зубрагадавальнік.
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве37
Каментары