Рэжысэр Сэм Рэймі, які распачынаў сваю кар’еру хуліганскімі «Злобнымі мерцьвякамі», утульна адчувае сябе як аўтар гераічных коміксаў, прызначаных для сямейнага прагляду.
Карцінка шыкоўная і вылізаная, драйв не такі нахабны, шурпаты (і крыважэрны), затое ёсьць шчодрыя мэлядраматычныя рэфлексіі й багатыя атракцыёны.
Ворагам Чалавека-павука ў другой частцы выступае ашалелы доктар Актавіюс (Альфрэд Маліна), да сьпіны якога прыкляпаліся мэталічныя маніпулятары з разумовымі здольнасьцямі й кепскімі звычкамі. Адна з найбольш відовішчных звычак шчупальцаў — хапаць візгатлівых дзявулек, бабулек і пасажыраў мэтро і выкарыстоўваць іх у якасьці закладнікаў.
Натуральна, што перамагчы такога Васьмінога здольны толькі Чалавек-павук. Але ў ціхмянага Пітэра Паркера (Тобі Магуаер) сур’ёзныя праблемы: надчалавечыя схільнасьці мала сумяшчальныя з асабістым жыцьцём.
Пакуль Павук выратоўваў слабых, героя кідае нявеста (Кірстан Данст), да таго ж ва ўнівэрсытэце ў тайнага членістаногага адрастаюць акадэмічныя «хвасты». Мэлядраматычныя пакуты на гэтыя тэмы складаюць ладную частку экраннага часу, але нельга назваць іх дарэмнымі. Нечакана забаўнай падаецца сцэнка, калі Чалавек-павук едзе ў ліфце і скардзіцца выпадковаму спадарожніку на сваё цяжкае супэрмэнскае жыцьцё.
Поўнасьцю гэты артыкул можна прачытаць у папяровай і pdf-вэрсіі "Нашай Нівы"
Андрэй Расінскі
Чалавек-павук-2 (Spider-Man 2)
ЗША, 2004, каляровы, 127 хв.
Жанр: Комікс
Адзнака: 6,5 (з 10)
Цяпер чытаюць
Стала вядомая асоба рабочага «Беларуськалія», які загінуў пры абрушэнні горнай пароды1
Каментары