U Antarktydzie znajšli «sapraŭdny Śviaty Hraal dla navuki»
Mižnarodnaja ekśpiedycyja navukoŭcaŭ adšukała ldzinu, uzrost jakoj aceńvajecca ŭ 2 miljony hadoŭ.
Lod, jaki b mieŭ bolšy ŭzrost, navucy nieviadomy.
Jak infarmuje lifenews, taŭščynia ildziny składaje bolš za try kiłamietry. Miarkujecca, što ŭ jaje nižnich słajach, jakija pačali farmavacca jašče da źjaŭleńnia na płaniecie čałavieka, jość navat zamierzłaje dahistaryčnaje pavietra.
«Heta sapraŭdny Śviaty Hraal dla navuki, — havoryć daśledčyk antarktyčnaha klimatu Toni Pres. — Lod ŭtrymlivaje klimatyčnyja dadzienyja z hłybokaha minułaha. U toj pieryjad klimat mianiaŭsia značna čaściej, čym ciapier».
Z dapamohaj hetych viedaŭ navukoŭcy mahli b sprahnazavać budučyja źmieny klimatu na Ziamli.
Pačać bureńnie navukoŭcy zmohuć nie raniej čym praz try hady. Kab atrymać dakładnyja dadzienyja, treba mieć proby z hłybini da troch kiłamietraŭ. A heta składany i darahi praces. Razhadka tajamnicy klimatu abyjdziecca navukoŭcam ŭ 50 miljonaŭ jeŭra.
Nahadajem, u červieni sioleta vybuchnuła siensacyja: u Antarktydzie hrupa navukoŭcaŭ ź Jeŭropy i ZŠA znajšła… try piramidy. Jany zajavili, što piramidy majuć štučnaje pachodžańnie i rychtujuć tudy ekśpiedycyju. Praŭda, nieŭzabavie pačali źjaŭlacca abviaržeńni. Adnak piramidy možna razhladzieć navat na zdymkach z kosmasu.
Kamientary