Pra heta prezident Ukrainy napisaŭ u svaim tvitary.
«Tolki što prybyŭ u Minsk na sustreču ŭ farmacie «ES — Ukraina — «Jeŭrazijskaja trojka», — napisaŭ jon.
U nacyjanalnym aeraporcie Minsk jaho sustrakali pasoł Ukrainy ŭ Biełarusi Michaił Ježal i vice-premjer Biełarusi Michaił Rusy, paviedamlaje BiełaPAN.
U 11.30 pavinien pryziamlicca samalot ź viarchoŭnym pradstaŭnikom ES pa zamiežnych spravach i palitycy biaśpieki Ketryn Eštan i jeŭrakamisaram pa handli Karełam de Hiuchtam. Płanujecca, što z aeraporta jany adpraviacca ŭ pasolstva Ukrainy ŭ Minsku, dzie adbuducca dvuchbakovyja pieramovy Eštan z Parašenka.
Zatym u Piatra Parašenki zapłanavana dvuchbakovaja sustreča z Alaksandram Łukašenkam, paviedamiŭ BiełaPAN Michaił Ježal.
Pytańnie ab sustrečy Parašenki z prezidentam RF Uładzimiram Pucinym, jaki prylacić u Minsk prykładna ŭ 13.20, pakul kančatkova nie vyrašana.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ138
Kamientary