Kijeŭskaja haradskaja dziaržaŭnaja administracyja (KHHA) ŭviała va ŭkrainskaj stalicy maskavy režym dla praduchileńnia raspaŭsiudžvańnia hrypu i VRVI. Pra heta zajaviŭ daradca kijeŭskaha haradskoha hałovy Michaił Raducki na pres-kanfierencyi ŭ čaćvier, 21 studzienia.
«Što tyčycca dadatkovych mier, jakija ŭvioŭ horad Kijeŭ, kab pamienšyć raspaŭsiud i zachvorvańnie siarod darosłaha nasielnictva, heta ŭviadzieńnie dadatkovych sanitarnych abmiežavańniaŭ u miescach vialikaj kolkaści darosłaha nasielnictva. Uviedzieny maskavy režym u kramach dla rabotnikaŭ, u miescach praviadzieńnia masavych mierapryjemstvaŭ, na rynkach, u restaranach, kaviarniach, va ŭsich miescach hramadskaha charčavańnia», — skazaŭ Raducki.
Jon taksama paviedamiŭ, što maskavy režym uviedzieny dla rabotnikaŭ mietro i hramadskaha transpartu, u kampanii «Kijeŭpastrans».
Pry hetym kiraŭniki pradpryjemstvaŭ i arhanizacyj buduć nieści adkaznaść za zachavańnie hrafika zamieny masak.
«Kožny płast maski harantuje hadzinu abarony. Na siońniašni dzień u asnoŭnym vykarystoŭvajucca čatyrochsłajovyja maski», — skazaŭ jon.
Taksama Raducki paviedamiŭ, što vymušanyja kanikuły ŭ škołach Kijeva padoŭžanyja da 27 studzienia.
«Zabarona vučoby ŭ škołach praciahnutaja, alimpijady, jakija płanavalisia siarod školnikaŭ na hetuju subotu i niadzielu, pieraniesienyja na inšy termin», — adznačyŭ čynoŭnik.
Pavodle infarmacyi načalnika departamienta achovy zdaroŭja KHHA Taćciany Dončanka, pa stanie na 20 studzienia ŭ balnicy Kijeva za sutki pastupiła 98 chvorych na VRVI i hryp. Usiaho ŭ ciapierašni čas stacyjanarnaje lačeńnie ŭ klinikach Kijeva prachodziać 485 pacyjentaŭ z VRVI, ź ich 178 z dyjahnazam «hryp».
Dončanka padkreśliła, što Kijeŭ byŭ hatovy da siezonnaha rostu zachvorvańnia i zabiaśpiečyŭ najaŭnaść preparataŭ zahadzia.
Ministerstva achovy zdaroŭja Ukrainy paćvierdziła hibiel 51 ŭkrainca ad hrypu. Śmiarotnyja vypadki, pa słovach lekaraŭ, źviazanyja z poźnim zvarotam da miedykaŭ.
Kamientary