U budynku Dziarždumy RF lifty pierastali źmiaščać usich deputataŭ z-za biesprecedentna vysokaj jaŭki na plenarnyja pasiadžeńni. Pra heta zajaviŭ kiraŭnik parłamienckaha kamiteta pa fizkultury i sporcie, deputat ad ŁDPR Michaił Dziehciaroŭ, piša VVS.
«U suviazi z tym, što jaŭka deputataŭ na plenarnyja pasiadžeńni Dziaržaŭnaj dumy stała biesprecedentnaj, jaŭka pradstaŭnikoŭ urada taksama vysokaja, i ŭ suviazi z hetym u nas pierahružanyja lifty, asabliva ŭ hetym budynku. Ja śviedka, jak pieššu, naprykład, pa leśvicy, padymaŭsia ministr sportu Rasii», — skazaŭ jon.
Sam Dziehciaroŭ, jaki ŭznačalvaje kamitet pa fizičnaj kultury, sportu, turyzmu i spravach moładzi, jaho namieśnik i kiraŭnik aparata kamiteta taksama padymalisia pieššu.
2 listapada jaŭka deputataŭ na plenarnaje pasiadžeńnie skłała 88,7%, z 450 prysutničała 399 členaŭ nižniaj pałaty.
Nahadajem, u kancy kastryčnika Dziaržduma pryniała šerah mier pa baraćbie z prahułami deputataŭ.
Kamientary