Upraŭleńnie Śledčaha kamiteta pa Mahiloŭskaj vobłaści zaviało kryminalnuju spravu pa fakcie zabojstva małaletniaha dziciaci, paviedamiła ŭ svaim fejsbuku aficyjny pradstaŭnik Śledčaha kamiteta Aksana Salaniuk. Uviečary, 30 listapada, u milicyju źviarnuŭsia 22-hadovy žychar Mahilova, jaki paviedamiŭ ab hibieli svajho syna.
Na miesca zdareńnia vyjechali śledčyja ŭpraŭleńnia Śledčaha kamiteta pa Mahiloŭskaj vobłaści, supracoŭniki milicyi i śpiecyjalisty Dziaržaŭnaha kamiteta sudovych ekśpiertyz. Śledča-apieratyŭnaja hrupa praviała ahlad kvatery, dzie pražyvała siamja. Padčas ahladu znojdzienaje cieła dziciaci 2015 hoda naradžeńnia, jakoje było dastaŭlena va ŭpraŭleńnie kamiteta sudovych ekśpiertyz pa Mahiloŭskaj vobłaści.
Zhodna z papiarednim zaklučeńniem, śmierć źjaŭlajecca hvałtoŭnaj i nastupiła ad traŭmatyčnaha šoku.
Pavodle padazreńnia ŭ ździajśnieńni złačynstva zatrymanyja baćki dziciaci.
Ich dziejańni śledstvam kvalifikavanyja pa p.p. 2, 6 č.2 art.139 KK (zabojstva zaviedama małaletniaha, učynienaje z asablivaj žorstkaściu). U ciapierašni čas ź imi pracujuć śledčyja. Vyśviatlajucca ŭsie abstaviny hibieli dziciaci.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»

Kamientary