Usio bolš «biełaruskich» maroziva i sasisak… zroblenych va Ukrainie FOTY
Časam biełaruskija vytvorcy, kali chočuć padkreślić jakaść svajho praduktu, uzhadvajuć savieckija simvały: kałbasa «Savieckaja», šampanskaje «Savieckaje», marožanaje «20 kapiejek»…
Ci sapraŭdy jość padstavy chvalicca tahačasnaj pradukcyjaj - pytańnie, adnak histaryčnaja praŭda ŭ hetaj historyi — apošniaja sprava.
Cikava, što adbyvajecca ŭ hety čas va Ukrainie. Padobnyja apielacyi da savieckaha ŭžo nie toje kab niedarečnyja, a paprostu karajucca pa zakonie. I niekatoryja vytvorcy, kab padkreślić jakasnaść svajho pradukta, źviartajucca da vobrazu… Biełarusi!
Tak uźnikaje, naprykład, «Maroziva płambir» ź sieryi «Najlepšyja smaki Biełarusi».
Robiać takoje maroziva ŭ Krapiŭnyckim (da 2016 hoda — Kiravahrad), Dniapry i Ternopali. Što praŭda, na ŭpakoŭcy blokłymi šerymi litarami, pad zoračkaj naznačana: «Pradukt nie biełaruskaha pachodžańnia».
Takuju zoračku staviać nie na ŭsie pradukty. Na miažy ź Biełaruśsiu ŭ Vałynskaj vobłaści robiać sasiski «Biełaruskija». Vytvorčaść — u siale Zabaral Łuckaha rajona.
Biełaruščyna tut — i na pakunku, i na etykietcy.
Vychodzić, my sami nie zaŭvažyli, jak našy pradukty zasłužyli dobruju słavu za miažoj. Ci sapraŭdy biełaruskaja charčovaja pradukcyja moža słužyć etałonam jakaści? Vykazvajciesia ŭ kamientach!
Kamientary