Marzaluk pra NTV: «Hetyja ludzi pavinny stać piersonami non-hrata i nikoli nie pierasiekčy miežaŭ Biełarusi»
Na telekanale ANT vyjšła ŭ efir tok-šou «Naša žyćcio» ź viadučym Dźmitryjem Bačkovym. Na hety raz havorka zajšła pra pieradaču «Miesca sustrečy» na telekanale NTV, dzie abmiarkoŭvali Biełaruś. Udzielniki rasijskaha šou asabliva nie skvapilisia na słovy, jakich tolki epitetaŭ nie atrymała Biełaruś: i «niaviernaja žonka», i paraŭnoŭvali z samaj staražytnaj prafiesijaj.
Viadučy Bačkoŭ skazaŭ, što ŭdzieł Biełarusi ŭ samicie Uschodniaha partniorstva ŭ Bruseli vyklikaŭ «sapraŭdnuju isteryju» niekatorych rasijskich ŚMI. I prachodzić mima takich paprokaŭ nie vypadaje. U studyju byŭ zaprošany kiraŭnik kampanii «Havary praŭdu» Andrej Dźmitryjeŭ, jaki byŭ u efiry NTV. Bačkoŭ paraŭnaŭ pavodziny Dźmitryjeva ŭ efiry «Miesca sustrečy» sa «štatnym prapahandystam».
Razam z tym, Bačkoŭ padkreśliŭ, što zaprašać u pieradaču tolki pradstaŭnika apazicyi było niapravilna. Heta ŭsio adno, kab u efiry ANT pra Rasiju razvažali tolki Navalny i Sabčak.
Namieśnik staršyni ŁDPB Aleh Hajdukievič zaklikaŭ «zabyvacca na svaje palityčnyja pohlady», kali niechta jedzie na takija pieradačy. «I nie tolki ŭ Rasii, ale i ŭ ES. Usio, što prahučała na NTV ad pačatku da kanca, chłuśnia. Heta adbyvałasia na fonie taho, što na samicie Uschodniaha partniorstva Biełaruś abaraniała intaresy Rasii. Jany apuskajucca da brudu i chłuśni».
Vyraznuju pazicyju zaniaŭ deputat Pałaty pradstaŭnikoŭ Ihar Marzaluk: «MZS pavinna dać jasny i kankretny sihnał. Haspadaram Norkinych i inšych rastłumačyć, što treba trymać na karotkim pavadku. Jany pavinny stać piersonami non-hrata i nikoli nie pierasiakać miežaŭ krainy».
Z Rasii na efir ANT byŭ zaprošany fiłosaf Andrej Akara, jaki skazaŭ, što «ździŭleny tamu, što ŭ Biełarusi ździŭlenyja takim pavodzinam rasijskich telekanałaŭ». Čamu tak adbyvajecca, spytalisia ŭ Akary?
«Bo takaja struktura impierskaj ideałohii, impierskaha pohladu na rečy, u tym liku postsavieckaj prastory», — adkazaŭ Akara.
Staršynia Partyi BNF Ryhor Kastusioŭ sa stanoŭčaha boku adznačyŭ, što takija pieradačy źjavilisia na biełaruskim telebačańni, ale pieražyvaŭ, ci nie zanadta pozna. «Ci nie spaźnilisia my?» — zadavaŭsia pytańniem Kastusioŭ.
«Nie spaźnilisia, Hryhoryj», — byŭ jamu adkaz ad lidara pradziaržaŭnych kamunistaŭ Hieorhija Atamanava. Dalej Atamanaŭ havaryŭ zusim niazvykłyja dla siabie rečy: «Haz jany nam pierakryvali, ceny ŭstanaŭlivali, kazali, kaho pryznać, a kaho — nie. My što, pavinny całkam zhubić ułasny rozum i samastojnaść?»
Kali rasijski piśmieńnik Uładzimir Jeranasian pasprabavaŭ dakazać, što Rasija pa-raniejšamu — naš hałoŭny siabra i partnior, Aleh Hajdukievič i palitołah Vadzim Baravik jaho prosta zakryčali.
«Pra što vy kažacie, jakija piersony non-hrata? My siabry, najlepšyja na śviecie siabry. Davajcie hladzieć pa ŭčynkach, a ŭčynki takija, što tavary biełaruskich vytvorcaŭ pradajucca ŭ Rasii», — kazaŭ Jeranasian.
«Jany nas nazyvali amal matnym słovam», — kryčaŭ Baravik. «Vy prapanujecie maŭčać? Heta idzie ŭ škodu biełaruska-rasijskim adnosinam», — pierakrykvaŭ taho Hajdukievič.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary