Novy vitok tvorčaści — novy sinhł PAULINE «Cicha». Jon naradziŭsia ŭ vyniku pošukaŭ niazvykłaha hučańnia i nastrojaŭ. Heta miks z roku, deep i elektramuzyki. Kampazicyja stvarałasia ŭ supracoŭnictvie z Uładziem Paškievičam i Andrejam Kacikavym (studyja ToneTwins).
Paŭlina: «Sama pieśnia była napisana jašče napačatku leta. Ale tady ja vyrašyła jaje nikomu nie pakazvać, navat svaim muzykam. Płan byŭ taki: kali ŭvosień ja jaje ŭzhadaju i jana budzie vyklikać tyja ž stanoŭčyja emocyi, to jaje treba rabić. Tak i adbyłosia».
Pošukaŭ u aranžyroŭcy było šmat. Upieršyniu pieśnia prahučała ŭ vieraśni, i toje była akustyčnaja viersija pad kłavišy. Kali ž pačałasia praca ŭ studyi, pieśnia značna źmianiłasia: forma, dramaturhija, navat troški harmonija. Supracoŭnictva z ToneTwins sapraŭdy dało novaje dychańnie muzycy.
Ź pieśniaj «Cicha» śpiavačka płanuje vystupić na adbory na «Jeŭrabačańnie».
Pačuć premjeru, a taksama inšyja novyja i ŭžo viadomyja pieśni možna budzie 28 śniežnia ŭ kłubie TNT, dzie adbudziecca solny kancert hurta PAULINE.
Słovy — Paŭlina Cimochina
Muzyka — Paŭlina Cimochina
Aranžyroŭka — ToneTwins
Cicha
Cicha, cicha kroču, bolš ničoha nie bajusia ja.
Moža, jon zusim niaprosty, tolki hety šlach moj.
Cicha, cicha vydychaju dym taho, čaho niama.
Ja šukała vyjście, a jano było tak blizka, tam.
Zapalu ahni, kab mnie było lahčej iści,
kab mnie było śviatlej.
Ty rabi, što vinien, nie zhubisia ŭ płyni,
kab jak śled žyć.
Začapicca pastarajsia, ja prašu, nie azirajsia,
nie znajści tam vyratavańnia.
Nahadajem, raniej pra svoj namier udzielničać u adbory na «Jeŭrabačańnie» nastupnaha hoda zajaviŭ repier Vožyk (Źmicier Zajko). Dla konkursa jon zapisaŭ razam z maładoj vykanaŭcaj Janaj Prusakovaj biełaruskuju pieśniu «Zabi, Boža».
-
U lidara hurta a-ha Mortena Charkieta dyjahnastavali chvarobu Parkinsana
-
Hanna Bond krytykuje, deputatka Mirončyk-Ivanova śpiavaje pra «krošku»: u Minsku z anšłaham prajšoŭ kancert «Ruki vvierch»
-
Kab źniać prapahandyscki klip, prydvorny kampazitar Alejnik vyciahnuŭ litaralna z-pad kropielnicy 86-hadovuju babulu
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»3
Kamientary