3 kastryčnika ŭviečary ŭ Kaŭnasie na arenie «Žalhirys» adbyłosia śviata z nahody Dnia nastaŭnika. Padčas śviata na scenu vyjšła ministr navuki i adukacyi Litvy Jurhita Pietraŭskienie. Jana chacieła pavinšavać nastaŭnikaŭ sa śviatam. Adnak tyja nie stali jaje słuchać, stali śvistać i skandavać «hańba», piša Delfi.lt
«Ab pieramienach, jakija čakajuć u kožnym vieraśni. Bo ŭ vieraśni kłasy adkryvajucca pierad novymi ludźmi. Hety miesiac adkryvaje dźviery kłasaŭ pierad pieramienami, jakija sustrakajuć kiraŭniki», - skazała Pietraŭskienie. Paśla hetych słoŭ pačułasia skandavańnie «hańba», prysutnyja stali śvistać. Pietraŭskienie zrabiła paŭzu, paśla jakoj vyrašyła praciahnuć svajo vystupleńnie, niahledziačy na šum, jaki pierakryŭ pramovu ministra.
Litoŭskija ŚMI paviedamlajuć, što nastaŭniki raniej nie zadavolenyja kryterami naličeńnia zarobkaŭ, a ŭ škołach nazirajecca vialikaja ciakučaść kadraŭ.
Tak adna z nastaŭnic zajaviła Delfi, što ŭ ich škole pieramovy pra zarobki ŭsio jašče iduć. «Ničoha pakul niezrazumieła, - skazała Ehle. - My nie adčuvajem siabie ŭpeŭniena, adčuvajem napružańnie, jano zaminaje pracy. My nie ŭpeŭnienyja ŭ budučyni, nie jasna pytańnie zarobkaŭ. Chodziać čutki, što zarobki naohuł nie buduć płacić, pakul nie padpišam pahadnieńnie ab pracy pa novych umovach».
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ81
Kamientary