Incydent adbyŭsia ŭ aŭtobusie №5. Niespakojnym pasažyram akazaŭsia 52-hadovy haradžanin, pišuć «Pryniomanskija vieści».
Niećviarozy mužčyna zasnuŭ u aŭtobusie i pračnuŭsia tolki tady, kali kantralor paprasiła ŭ jaho tałončyk. Mužčyna praciahnuŭ tyja, što byli ŭ kišeni, ale patrebnaha siarod ich nie znajšłosia.
Kiroŭca ŭbačyŭ, što kantralor užo niekatory čas nie adychodzić ad adnaho z pasažyraŭ, tamu na prypynkach adkryvaŭ tolki tyja dźviery, jakija byli dalej ad bieźbiletnika.
Raptam mužčyna ŭdaryŭ kantralora nahoj vyšej ściahna. Aburanaja žančyna nakiravałasia da kabiny kiroŭcy. Bieźbiletny pasažyr, patrabujučy vypuścić jaho z aŭtobusa, išoŭ za joj. Pa darozie jon paśpieŭ jašče niekalki razoŭ udaryć žančynu ŭ plačo, a potym schapiŭ jaje za vopratku i staŭ šturchać u bok, vyzvalajučy sabie darohu da piarednich dźviarej.
U kanflikt umiašaŭsia kiroŭca. Jon zapatrabavaŭ, kab mužčyna supakoiŭsia. Praz paru chvilin pryjechała milicyja i paviezła ahresiŭnaha pasažyra ŭ adździeł dla raźbiralnictva. Štraf za bieźbiletny prajezd jon zapłaciŭ.
A paśla suda — jašče bolš za 1700 rubloŭ za hvałt u dačynieńni da słužbovaj asoby. Vinu mužčyna pryznaŭ.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ145
Kamientary