Sieryjał «Čarnobyl» atrymaŭ try premii «Emi». Scenaryst pryśviaciŭ pieramohu ŭsim achviaram katastrofy
Scenaryst Krejh Mejzin, atrymaŭšy statuetku, zajaviŭ, što pryśviačaje jaje ŭsim achviaram katastrofy na Čarnobylskaj AES.
Sieryjał kampanii HBO «Čarnobyl», jaki apaviadaje pra padziei 1986 hoda na Čarnobylskaj AES, atrymaŭ try ŭznaharody na cyrymonii ŭručeńnia ŭznaharod u halinie telebačańnia «Emi» ŭ Łos-Andželesie.
U pryvatnaści, jon byŭ pryznany najlepšym mini-sieryjałam hoda, abyšoŭšy ŭ hetaj naminacyi ŭ tym liku «Ucioki z turmy Dandemora», a taksama «Vostryja pradmiety».
Taksama ŭznaharody atrymali režysior sieryjała Jochan Renka i scenaryst Krejh Mejzin, paviedamlaje Hollywood Reporter.
Mejzin, atrymaŭšy statuetku, zajaviŭ, što pryśviačaje jaje ŭsim achviaram katastrofy na Čarnobylskaj AES.
Pryz za najlepšuju žanočuju rolu atrymała brytanka Džodzi Komier, jakaja syhrała ŭ sieryjale «Zabivajučy Jevu», jaki abyjšoŭ u tym liku Emiliju Kłark («Hulnia tronaŭ») i Robin Rajt («Kartačny domik»).
Uznaharodu za najlepšuju mužčynskuju rolu atrymaŭ Bili Portier («Poza»), jaki apiaredziŭ Kita Charynhtana ( «Hulnia prastołaŭ»), Boba Odenkierka («Lepš telefanujcie Sołu»).
Hałoŭnym favarytam cyrymonii pieršapačatkova byŭ sieryjał «Hulnia prastołaŭ», jaki pretendavaŭ na ŭznaharody ŭ 14 naminacyjach. U vyniku jamu dastałasia «Emi» za najlepšy dramatyčny sieryjał. Najlepšym kamiedyjnym sieryjałam staŭ sieryjał «Dreń» (Fleabag).
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ81
Kamientary