Biełstat raspavioŭ, čym čaściej za ŭsio chvarejuć biełarusy, ale znoŭ «zasakreciŭ» statystyku pa śmiarotnaści

U 2020 hodzie ŭ Biełarusi zarehistravali bolš 8,648 miljona vypadkaŭ zachvorvańniaŭ z upieršyniu pastaŭlenym dyjahnazam.

Heta amal na 600 tysiač vypadkaŭ bolš, čym u minułym hodzie i na 900 — čym u 2015-m. Bolšaja častka ź ich prypadaje na chvaroby orhanaŭ dychańnia — bolš 4,7 miljona vypadkaŭ. Kali paraŭnoŭvać hety pakazčyk z 2019 hodam, to jon apyniecca bolš na 686,5 tysiačy. Kali paraŭnać pakazčyki 2019 i 2015 hadoŭ, to tam roźnica zusim nievialikaja: ŭ 2015 h. vypadkaŭ było na 9,1 tysiačy bolš. Ličby vyraśli na fonie pandemii koronavirusa, jakaja dabrałasia da Biełarusi viasnoj 2020 hoda.

Nahadajem, pa danych Ministerstva achovy zdaroŭja, na 29 lipienia ŭ krainie naličvałasia 443 864 paćvierdžanyja vypadki karanavirusnaj infiekcyi. Heta značyć, hety pakazčyk krychu mienš čym za 1,5 hoda.

Kali kazać pra inšyja chvaroby, to ličby značna vyraśli pa zachvorvańni niekatorymi infiekcyjnymi i parazitarnymi chvarobami - bolš čym u dva razy. U 2019 hodzie było zarehistravana 308,7 tysiačy vypadkaŭ, a ŭ minułym - 627,4 tysiačy.

Pa niekatorych inšych hrupach zachvorvańniaŭ pakazčyki ŭ minułym hodzie źnizilisia.

Zhodna z zbornikam Biełstata, biełarusy mienš, čym u pazaminułym hodzie, pakutavali ad chvarob endakrynnaj sistemy, chvarob kryvi, psichičnych rasstrojstvaŭ, chvarob niervovaj sistemy, orhanaŭ zroku, słychu, stravavańnia, močiepołovoj sistemy, skury, kaściova-myšačnaj sistemy, pryrodžanych anamalij. Taksama było zafiksavana mienš traŭmaŭ i atručeńniaŭ.

U paraŭnańni u 2019 hodam u minułym było vyjaŭlena mienš vypadkaŭ novaŭtvareńniaŭ: 128,7 tysiačy suprać 154,6 (na 25,9 tysiačy mienš).

Adnak ankołahi źviazvajuć źnižeńnie z pandemijaj karanavirusa.

— Heta rezkaje źnižeńnie nie abumoŭlenaje niejkimi pośpiechami miedycyny, a źviazana z pandemijaj kavida-infiekcyi, — tłumačyŭ 2 lutaha padčas pres-kanfierencyi Siarhiej Krasny, namieśnik dyrektara pa navukovaj rabocie RNPC ankałohii i miedycynskaj radyjałohii. — Ludzi mienš źviartajucca, asabliva kali ich ničoha nie turbuje. Prytarmazilisia prahramy skryninhu złajakasnych novaŭtvareńniaŭ. Spadziajemsia, što ŭžo ŭ kancy viasny hetyja prahramy aktyvizujucca i letam buduć daabśledoavany tyja, chto nie zmoh zrabić heta padčas pandemii.

Varta taksama nahadać, što statystyku śmiarotnaści i jaje pryčyny za 2020 hod Biełstat tak i nie apublikavaŭ. Apošnija dadzienyja byli apublikavanyja pa vynikach pieršaha kvartała minułaha hoda.

• 0
• 0
• 0
• 0
• 0
• 0
• 0
• 0