Forbes: Ukrainskaja armija ciapier maje bolš tankaŭ, čym da vajny. Bo jana praciahvaje zachoplivać rasijskija
Pavodle padlikaŭ analitykaŭ, z pačatku ŭvarvańnia va Ukrainu vojski Rasii stracili 274 tankaŭ, tady jak Uzbrojenyja siły Ukrainy stracili 74 svaich, ale zachapili 117 mašyn voraha. Takim čynam va ŭkrainskaj armii ciapier moža być bolš tankaŭ, čym miesiac tamu.
Tyja 117 tankaŭ, jakija zachapiła Ukraina, ‒ heta tolki tyja, jakija analityki mohuć paćvierdzić vizualna. Faktyčnaja ličba amal napeŭna značna vyšej. Simvałam supracivu Ukrainy ŭžo stali videazapisy ŭkrainskich sialan, jakija buksirujuć kinuty rasiejski transpart.
Tym časam rasijcy zachapili pa mienšaj miery 37 ukrainskich tankaŭ.
Dyspraporcyja ŭ ličbach zachoplenych tankaŭ śviedčyć ab niepadrychtavanaści Rasii da vajny vysokaj intensiŭnaści suprać rašučaha voraha.
Ale heta taksama havoryć ab pieravahach, jakimi vałodaje luby abaronca pierad lubym napadajučym, piša Forbes. Mnohija z tych tankaŭ, jakija zachapili ŭkraincy, prosta stajali biez paliva, ekipažy ŭciakli. Adbyvajecca heta praz łahistyčnyja praliki zabieśpiačeńnia rasijskaj armii na terytoryi vialikaj Ukrainy va ŭmovach adčajnaha supracivu jaje žycharoŭ.
«Piachota zastajecca karalevaj boju»: čatyry vysnovy z ukrainskaj vajny ad historyka Edvarda Lutvaka
Bajraktar suprać rasijskaha SPA: čamu armija RF akazałasia praktyčna biaśsilnaj
Kali skončycca vajna i jak možna nablizić pieramohu? Ukrainski pohlad
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary