Mastacki plener «Novy Śviet vačyma dziaciej» projdzie 12 vieraśnia ŭ rajonie «Novy Śviet». Plener pačniecca z ekskursii pa starych vułkach rajonu, pad čas jakoj udzielniki daviedajucca ab historyi ŭźniknieńnia i raźvićcia hetaha rajona Hrodna, jaho ŭnikalnaści i niepaŭtornaści, viadomych asobach, jakija tut žyli.
Akramia paznavalnaj vandroŭki pa starych utulnych vułačkach i zadavalnieńnia ad tvorčaści, ŭdzielniki atrymajuć šaniec vyjhrać padarunak, bo ŭsie malunki prymuć udzieł u konkursie.
Žury, jakoje budzie składacca z žycharoŭ «Novaha Śvietu», historykaŭ i mastakoŭ, vyznačyć najlepšyja malunki, a ich aŭtary buduć uznaharodžany kaštoŭnymi pryzami. Abviaščeńnie vynikaŭ i ŭznaharodžańnie pieramožcaŭ adbudziecca pad čas adkryćcia vystavy na pačatku listapada. Jana budzie składacca z malunkaŭ zroblenych u čas plenera, sučasnych i starych fotazdymkaŭ «Novaha Śvietu» i raznastajnych rečaŭ ad žycharoŭ hetaha rajona. Kožny naviedvalnik vystavy zmoža atrymać pamiatnyja paštoŭki z malunkami, zroblenymi ŭdzielnikami plenera.
Kab uziać udzieł u mierapryjemstvie nie abaviazkova być hienijalnym mastakom – hałoŭnaje mieć pry sabie žadańnie malavać i luboŭ da svajho horada, jany abaviazkova ŭvasobiacca ŭ što-niebudź pryhožaje, niachaj i nie ŭsim zrazumiełaje.
I adzin niuans: plener dla dziaciej! Kali vy aficyjna ŭžo nie ŭ dziciačym uzroście, ale adčuvajecie siabie dziciom ci majecie dziaciej – prychodźcie ŭsie razam! Tolki papiarednie varta patelefanavać da Juli (+375 29 280 09 14) ci Vitala (+375 29 786 79 33) i paviedamić ab svaim žadańni ŭdzielničać u plenery, a my vam skažam dzie i ŭ kolki sustrakajemsia. Navat kali vy nie majecie ałoŭkaŭ, pendźlaŭ, farby ci papiery – heta nie pieraškoda i nie nahoda, kab nie prychodzić. Skažycie, i my znojdziem dla vas usio nieabchodnaje.
Da sustrečy na plenery ŭ Novym Śviecie!
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ67
Kamientary