«Kali pisać pra toje, to ŭ styli kabare». Lavon Volski pra pryznańnie jaho telehram-kanała «ekstremisckim»
Muzyka dapuskaje, što łukašenkaŭcy takim čynam adkazali na jaho pracu nad albomam pra palitviaźniaŭ i pasty na hetuju temu.
Telehram-kanał «Lavon Volski» pryznany «ekstremisckim» rašeńniem Lidskaha rajonnaha suda 28 listapada. Jon užo dałučany da śpisu «ekstremisckich materyjałaŭ».
«Dziŭna było b, kab nie dałučyli, — kaža muzyka. — My ŭžo daŭno čakali. Usich padałučali, a z nami ŭsio marudzili».
Pryznańnie telehram-kanała «ekstremisckim» nie paŭpłyvaje na tvorčaść, zapeŭnivaje Lavon Volski.
Muzyka raniej anansavaŭ, što pracuje nad albomam «Listy palitviaźniam».
«Palitviaźni dla ich čyrvony markier. Jany chočuć, kab usie maŭčali. Niby hetaj zjavy niama, bo niepryjemna ŭ mižnarodnym sensie. Usie ž viedajuć, što ŭ Biełarusi takaja kolkaść palitźniavolenych. Jany šantažujuć svajakoŭ, kab nie raspaviadali ničoha, što adbyvajecca sa źniavolenymi. A tym časam prosta łamajuć ludziej u PKT i ŠIZA. Tamu na heta i reahujuć vielmi baluča», — kamientuje Lavon Volski.
Jon kaža, što ciapier budzie zaklikać padpisčykaŭ adpisvacca ad kanała, bo heta niebiaśpiečna.
«Heta jak łatareja. Jak kali vypraŭlaješsia praź miažu: možaš prajechać, a moža nie. Takaja ciapier biełaruskaja rečaisnaść: strašna absurdnaja, niečałaviečaja», — padkreślivaje muzyka.
Na pytańnie, ci zjavicca ŭ repiertuary muzyki pieśnia ab pryznańni jaho telehram-kanała pahrozaj dla režymu Łukašenki, adkazvaje:
«Kali pisać pra toje, to ŭ styli hramadska-palityčnaha kabare. Heta takija kuplety na złobu dnia.
Da žalu, taki žanr nie pryžyŭsia ŭ Biełarusi, jak taja ž narmalnaja palityčnaja karykatura ci komiksy. Škada, što im mała chto zajmajecca. Taki žanr papularny ŭ Niamieččynie dy Polščy, naprykład», — dadaje jon.
Pieśni Lavona Volskaha ŭ spakajniejšyja časy vykarystoŭvali aktyvisty BRSM dla svaich akcyjaŭ. Na ich hučali «Try čarapachi», «Prostyja słovy». Časta brali «Haściej» Krambambuli
«Ale ciapier heta niemahčyma, — kaža Lavon Volski, — bo jość bietonny čorny śpis, na jakim čotka adčakanienyja imiony, proźviščy i nazvy piesień, ad jakoha nielha ni na milimietr adyści».
«Naša Niva» — bastyjon biełaruščyny
PADTRYMAĆHladzicie taksama:
Lavon Volski: Nie treba spadziavacca na cud. Hety cud užo adbyŭsia try hady tamu
Rokier u karunkach. Lavon Volski ździviŭ fanataŭ kreatyŭnym łukam
Lavon Volski ŭ svoj dzień narodzinaŭ prezientavaŭ novy albom
Vystava Lavona Volskaha i Juryja Stylskaha adkryjecca siońnia ŭ Varšavie kancertam i aŭkcyjonam
«Rašeńnie było absalutna impulsiŭnym». Lavon Volski raskazaŭ, jak raźbiŭ na kancercie hitaru
Što pahladzieć u navahodniuju noč na biełaruskim jutubie? Alternatyŭnaja prahrama pieradač6
Kamientary