Maštabny zboj zakranuŭ Outlook, Teams, Copilot i inšyja servisy Microsoft
Dziasiatki tysiač karystalnikaŭ u śviecie adčuvajuć na sabie hłabalny zboj servisaŭ kampanii Microsoft, u tym liku imejł-klijenta Outlook, servisu videakanfierencyj Teams i ŠI-čatbota Copilot, piša Bi-bi-si.
Usie hetyja servisy, pavodle słoŭ karparacyi, ciarpiać ad prablem z padklučeńniem. Pavodle ciapierašniaj acenki Microsoft, małavierahodna, što hetyja prablemy abumoŭleny kibieratakaj.
Pavodle źviestak manitorynhavaha servisu Downdetector, prablemy z prahramami Microsoft na praciahu adnoj hadziny byli zafiksavanyja ŭ 74 krainach. Jany praciahvajucca dahetul, užo bolš čym praz vosiem hadzin.
Pavodle źviestak na sajcie Microsoft, jaje pakietam Microsoft 365 u śviecie karystajucca 430 młn čałaviek.
Microsoft paviedamiła, što vypuściła apdejt, ale jaho razhortvańnie zajmaje bolš času, čym čakałasia.
Kampanija paviedamiła, što jaje sierviery adrazu ŭ niekalkich rehijonach adčuvajuć «pavyšanuju nahruzku». Heta aznačaje, što kolkaść zapytaŭ vyšejšaja, čym sierviery zdolnyja apracavać.
Servisy nakštałt Outlook mohuć pracavać prykmietna pavolniej: listy, dałučanyja fajły i kalandarnyja zapisy mohuć doŭha nie adkryvacca abo nie pakazvacca va ŭvachodnych. Prompty ŭ Copilot mohuć apracoŭvacca pavolna abo naohuł nie apracoŭvacca va ŭstanoŭleny čas.
Zboj taksama zakranuŭ niekatoryja staronnija servisy, jakija nie naležać Microsoft. Kampanii OpenAI i Anthropic paviedamili pra zboi ŭ svaich praduktach (vialikich moŭnych madelach) u toj častcy, dzie jany spałučajucca z praduktami Microsoft.
Ministr unutranych spraŭ i kibierbiaśpieki Aŭstralii Toni Biork raspavioŭ, što parazmaŭlaŭ z pradstaŭnikami Microsoft u svajoj krainie. Pavodle jaho słoŭ, jany «nie dumajuć, što majuć spravu z kibierincydentam».
Niekatoryja analityki zajavili, što kali nijakaj kibierataki nie było, tady toje, što adbyvajecca, varta nazyvać «nievierahodnaj niekampietentnaściu», jak vykazaŭsia Poł Śpiejn z novaziełandskaj kansałtynhavaj firmy Gorilla Technology.
Kampanii faktyčna «stracili pracoŭny dzień», aburajecca jon.
Ciapier čytajuć
«Synočak, ty ŭ mianie adzin». Maci z Dubroŭna prosić 18‑hadovaha syna viarnucca z rasijskaj armii i źviartajecca da Łukašenki13
«Synočak, ty ŭ mianie adzin». Maci z Dubroŭna prosić 18‑hadovaha syna viarnucca z rasijskaj armii i źviartajecca da Łukašenki
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta1010
Kamientary