Hramadstva

«Bliščyć jak Swarovski». Biełaruski palujuć za tannymi branzaletami z carkoŭnych kram

Threads padšturchnuŭ biełaruskich dziaŭčat da niezvyčajnaha šopinhu: jany pačali šukać branzalety ŭ carkoŭnych kramach. U sacyjalnaj sietcy źjaŭlajucca dopisy z fotazdymkami kuplaŭ i paradami, dzie možna znajści takija ŭpryhažeńni. Košt niekatorych ź ich składaje ŭsiaho 3 rubli, piša Myfin.by.

Fota: threads.com/@visit_minsk

Adna z karystalnic pachvaliłasia, što nabyła branzalety ŭ carkoŭnaj kramie ŭ Breście.

Fota: threads.com/@olyaa.maksimova

Inšaja apublikavała fota svajoj kupli, nazvaŭšy siabie «achviaraj Threads».

Fota: threads.com/@anzhi.book

Asablivuju ŭvahu pryciahnuŭ branzalet z kalarovymi ŭstaŭkami i nievialikaj padvieskaj u vyhladzie kryžyka. Jaho nabyli za 3 rubli. Uładalnica ŭpryhažeńnia acaniła jaho karotkaj frazaj: «Bliščyć jak Swarovski».

Fota: threads.com/@rozzdestvo

Udzielnicy abmierkavańnia dapamahajuć adna adnoj znachodzić miescy, dzie pradajucca takija branzalety. Adna z karystalnic pakazała adrazu dźvie vitryny z upryhažeńniami i adznačyła, što tam možna znajści navat vyraby, padobnyja da pradukcyi Pandora. Jakija, darečy, tak i nazyvajucca.

Fota: threads.com/@batareika_n
Fota: threads.com/@batareika_n

Zhadanaje miesca znachodzicca ŭ minskim Rakaŭskim pradmieści. Adzin z branzaletaŭ, jaki nazyvajecca «Pandoraj», tam kaštuje 12,50 rubla.

Fota: threads.com/@visit_minsk

Trend raspaŭsiudziŭsia i ŭ tyktoku. Tam źjaviŭsia chešteh «Carkoŭnyja branzalety z Threads», pad jakim dziaŭčaty pakazvajuć svaje pakupki i zdymajuć ahlady ŭpryhažeńniaŭ.

Na apublikavanych fotazdymkach možna ŭbačyć tonki sierabrysty branzalet z błakitnymi i prazrystymi bliskučymi ŭstaŭkami. Jaho ŭpryhožvaje nievialiki kryžyk ź zialonymi elemientami. Padobny vyrab možna znajści i na internet-markietpłejsach, ale tam jon kaštuje amal utraja daražej.

Historyja z branzaletami pakazvaje, jak chutka raspaŭsiudžvajucca spažyvieckija trendy dziakujučy rekamiendacyjam u sacyjalnych sietkach. Časam paviedamleńnie karystalnicy pra ŭdałuju znachodku akazvajecca bolš dziejsnym za darahuju rekłamnuju kampaniju.

Pavodle apytańnia «Załatoha Jabłyka», 36,7% udzielnikaŭ pry vybary kaśmietyki aryjentujucca na vodhuki inšych kupcoŭ, a 28% prysłuchoŭvajucca da parad siabroŭ i znajomych.

Kamientary

Ciapier čytajuć

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał13

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał

Usie naviny →
Usie naviny

Tramp i Pucin abmiarkoŭvali vajnu va Ukrainie1

Infapunkty dla biełarusaŭ za miažoj stvorać u Vilni, Varšavie i Poznani. Kolki ŭ ich budzie supracoŭnikaŭ i chto stanie płacić zarobki?6

Ukraina treci raz z pačatku tydnia atakavała Krymski most1

Karcina Van Hoha pradadziena z aŭkcyjonu za rekordnyja 190,4 miljona dalaraŭ2

Jak zhulać u GTA 6, kali žyvieš u Biełarusi2

Z 1 studzienia dniom ruch hruzavikoŭ pa MKAD płanujuć zabaranić

Tramp i Pucin sustrelisia na palach samita ACES3

U Afrycy zazielanieła pustynia — i pryčyna hetamu nie tolki źmiena klimatu4

U žanočych prybiralniach Kitaja źjaŭlajucca pisuary. Navošta?1

bolš čytanych navin
bolš łajkanych navin

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał13

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał

Hałoŭnaje
Usie naviny →

Zaŭvaha:

 

 

 

 

Zakryć Paviedamić