Hramadstva

Stała viadoma pra ciažkuju situacyju siamji, jakaja paŭtara hoda tamu trapiła ŭ žudasnaje DTZ u Tałačynskim rajonie

Biełaruska Aksana Leŭšyna raskazała ŭ Threads pra ciažkuju situacyju, u jakoj apynułasia siamja jaje siastry i jana sama praz aŭtamabilnuju avaryju, što adbyłasia 10 maja minułaha hoda ŭ Tałačynskim rajonie.

U toj dzień siamja z Barysava — Maryja, jaje muž i dvoje maleńkich dziaciej va ŭzroście adnaho i dvuch hadoŭ — jechała na pikapie RAM pa Tałačynskim rajonie Viciebskaj vobłaści. Za rulom znachodziŭsia muž Maryi.

Jak paviedamlała DAI, 36‑hadovy kiroŭca nie ŭličyŭ darožnyja ŭmovy i ŭmovy nadvorja, nie spraviŭsia z kiravańniem i vyjechaŭ na sustrečnuju pałasu, dzie sutyknuŭsia z aŭtamabilem Geely.

U vyniku avaryi paciarpieli troje čałaviek: 65‑hadovy kiroŭca Geely i jaho 62‑hadovaja pasažyrka, jakija nie byli pryšpilenyja ramianiami biaśpieki, a taksama Maryja, jakoj na toj momant było 35 hadoŭ. Dzieci nie paciarpieli, bo znachodzilisia ŭ dziciačych aŭtakresłach. Muž Maryi taksama nie atrymaŭ traŭmaŭ.

Paźniej techničnaja ekśpiertyza ŭstanaviła, što adna z šyn pikapa RAM mieła niedapuščalny znos pratektara, tamu ekspłuatavać aŭtamabil z takoj šynaj było nielha. Akramia taho, u momant sutyknieńnia išoŭ doždž z hradam, ale kiroŭca z Barysava praciahvaŭ ruchacca z chutkaściu 97 km/h i nie źniziŭ jaje.

U vyniku mužu Maryi vystavili abvinavačańnie pavodle častki 2 artykuła 317 Kryminalnaha kodeksa — parušeńnie praviłaŭ darožnaha ruchu i ekspłuatacyi transpartnych srodkaŭ asobaj, jakaja kiruje transpartnym srodkam. Na minułym tydni mužčynu asudzili za heta na 2,5 hoda pazbaŭleńnia voli.

Maryja ž, pa słovach jaje siastry, tak i nie aprytomnieła i ŭžo paŭtara hoda paśla avaryi znachodzicca ŭ komie. Jaje adklučyli ad aparataŭ žyćciezabieśpiačeńnia i pieravieźli dadomu.

Ciapier žančyna dzielicca prablemaj: paŭstała pytańnie, jak nadalej finansava zabiaśpiečvać chvoruju siastru i jaje dziaciej, jakim ciapier 3,5 i 2,5 hoda. Treba apłačvać charčavańnie i ŭtrymańnie dziaciej, padhuźniki dla darosłych, leki, pasłuhi masažysta, nieŭrołaha i šmat inšaha. Akramia taho, treba vyrašać pytańni z apiakunstvam.

Fota: threads.com/@oksana_levshina
Fota: threads.com/@oksana_levshina
Fota: threads.com/@oksana_levshina

Pa słovach Aksany Leŭšynaj, jana ciapier ciažka pracuje, kab dapamahać 75‑hadovaj ciotcy, jakaja ciapier dahladaje dziaciej i siastru Maryju. Siastry pryznačanaja piensija pa invalidnaści, u ciotki jość svaja piensija, ale hetych hrošaj amal ni na što nie chapaje.

Žančyna, jak vyhladaje, zajmajecca roźničnym handlem, ale šmat jaje tavaraŭ zhareła padčas pažaru na składzie Wildberries u Rasii. Reštu, jakaja znachodzicca na składzie ŭ Minsku, jana prapanuje nabyć u jaje pa zakupačnaj canie — heta «jakasnyja džynsy i śvitšoty na prystojnuju sumu». Adpravić pakupki abiacaje «Biełpoštaj», «Jeŭrapoštaj» abo SDEKam pa Biełarusi i Rasii.

Kamientary

Ciapier čytajuć

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał11

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał

Usie naviny →
Usie naviny

Jak zhulać u GTA 6, kali žyvieš u Biełarusi2

Z 1 studzienia dniom ruch hruzavikoŭ pa MKAD płanujuć zabaranić

Tramp i Pucin sustrelisia na palach samita ACES3

U Afrycy zazielanieła pustynia — i pryčyna hetamu nie tolki źmiena klimatu4

U žanočych prybiralniach Kitaja źjaŭlajucca pisuary. Navošta?1

Śpiavačka ź Biełarusi trapiła ŭ skandał u ZŠA. Vinavacić prafiesara Kałumbijskaha ŭniviersiteta ŭ zhvałtavańni, a jon jaje — u pieraśledzie siamji13

Biełarus raskazaŭ, jak pravoziŭ kata samalotam ź pierasadkami

Na bresckim vakzale zaŭvažyli aparat z «cublami» zamiest rubloŭ1

Minsk prymie rasijska-hruzinskija pieramovy2

bolš čytanych navin
bolš łajkanych navin

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał11

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał

Hałoŭnaje
Usie naviny →

Zaŭvaha:

 

 

 

 

Zakryć Paviedamić