Paškodžańni vyjavili na druhoj, čyhunačnaj častcy Krymskaha mosta, jaki raniej straciŭ aŭtamabilny pralot nad Kierčanska-Jenikalskim kanałam, piša The Moscow Times.

U noč na 19 listapada, paśla treciaj z pačatku tydnia ataki ŭkrainskich sił, paciarpieła čyhunačnaja arka daŭžynioj 227 mietraŭ. Na apublikavanych u sacsietkach fotazdymkach bačna, što ŭ nižniaj častcy kanstrukcyi adsutničajuć niekatoryja elemienty, a mietaličnyja detali defarmavanyja.
Pavodle śviedčańniaŭ vidavočcaŭ, minułaj nočču ŭ arku i čyhunačnaje pałatno mosta było kala vaśmi-dziesiaci traplańniaŭ. Nad arkaj taksama naziralisia ŭspyški ad vybuchaŭ.

Rakietnym udaram nie papiaredničała ataka bieśpiłotnikaŭ. Spačatku rasijskaja supraćpavietranaja abarona niešta źbivała na padlocie, zatym z hary Mitrydat zienitny rakietna-harmatny kompleks «Pancyr-S1» za adnu-dźvie chviliny vypuściŭ uvieś bojezapas. Paśla hetaha vybuchi pačali hučać užo niepasredna na moście, raskazali miascovyja žychary.
Raniej Uzbrojenyja siły Ukrainy atakavali most u noč na 16 i 17 listapada. Paśla pieršaha ŭdaru aŭtamabilnaja arka masaj kala piaci tysiač ton nachiliłasia na niekalki hradusaŭ. Padčas druhoj ataki, kali vykarystoŭvalisia kryłatyja rakiety «Fłaminha», arka razam z prajeznaj častkaj abrynułasia ŭ vadu.

U vyniku načnych udaraŭ čyhunačny ruch praz Kierčanski praliŭ časova spyniali. U 15:55 pavodle maskoŭskaha času rasijskaje Ministerstva transpartu paviedamiła, što ruch adnaviŭsia pa adnoj ź dźviuch kalain. Pieršym ciahnikom, jaki pavinien byŭ prajechać pa moście paśla ataki, staŭ sastaŭ «Taŭryja» № 92/91, jaki kursiruje pamiž Maskvoj i Kierču.
Rasijskija ŭłady zajaŭlajuć, što asobnyja elemienty Krymskaha mosta zmohuć znoŭ zapracavać užo praź miesiac-dva. Adnak inžyniery, apytanyja The New York Times, ličać, što paŭnavartasnaje adnaŭleńnie moža zaniać niekalki hadoŭ. Prytym heta mahčyma tolki pry ŭmovie, što novych atak nie budzie.
Prafiesar Univiersiteta Chalify ŭ Abu-Dabi Andreas Kaposa ličyć, što dva hady — realistyčny termin dla ramontu, kali apory, jakija padtrymlivajuć aračny pralot, nie atrymali surjoznych paškodžańniaŭ.
Inžynier-kansultant Donald D́juzienbiery, jaki zajmaŭsia rasśledavańniem vypadkaŭ abrušeńnia mastoŭ, adznačyŭ, što navat prostaja rasčystka abłomkaŭ budzie składanaj zadačaj. Pavodle jaho słoŭ, aračny pralot adroźnivajecca ad typavych pralotaŭ, ź jakich składajecca bolšaja častka mosta i jakija možna adnosna lohka zamianić. Kali ž spatrebicca ramantavać jašče i apory, heta istotna ŭskładnić adnaŭlenčyja raboty.
Pucin paabiacaŭ Ukrainie «balučyja adkazy» na ŭdary pa Krymskim moście
Ukraina treci raz z pačatku tydnia atakavała Krymski most
Dla kaardynacyi ŭdaraŭ pa Krymskim moście ŭkraincy vykarystoŭvali svaje «latučyja mademy»
Zialenski: Dla ŭdaru pa Krymskim moście my prymianiali tolki ŭłasnuju zbroju
«Ramantavać budzie składaniej, čym budavać z nula». Ci mahčyma chutka adnavić Krymski most?
Kamientary