Mova

«Na 90% padtrymali nastaŭniki, a adnakłaśniki nie acanili». Dziaŭčyna raskazała, jak pierajšła na biełaruskuju movu

19‑hadovaja biełaruska, jakaja viadzie błoh pad psieŭdanimam Zizi, pryznałasia, što pierachod na biełaruskuju movu byŭ zusim niazvykłaj źjavaj dla jaje adnakłaśnikaŭ. I nastaŭnicy ruskaj movy heta było niedaspadoby.

Zizi. Skrynšot ź videa ŭ tyktoku @esterrrnas1

Dziaŭčyna raspaviała, što spačatku viała svoj telehram-kanał i tyktok na ruskaj movie, razmaŭlała taksama pa-rusku. Ale ŭ 14 hadoŭ adnamomantava vyrašyła pierajści na biełaruskuju.

«Častka maich padpisantaŭ adrazu advaliłasia. Ja litaralna pamiataju, jak prosta adpraŭlaju pieršy post pra toje, što pierachodžu na biełaruskuju — i ad mianie za chvilinu adpisvajecca 10 čałaviek». 

Padobnaja situacyja, pa słovach błohierki, razhortvałasia i ŭ žyćci.

«Niekatoryja ludzi, ź jakimi ja stasavałasia, prosta pastupova advalilisia. U ich było šmat pytańniaŭ «A navošta?», «A čamu tak?»

«Na toj momant ja navučałasia ŭ 9‑m kłasie, i ja vyrašyła, što budu razmaŭlać na biełaruskaj i ŭ škole. I moj vybar na 90% padtrymali nastaŭniki, darosłyja ludzi. A voś maje adnakłaśniki i ludzi z paraleli (za vyklučeńniem siabroŭki) nie acanili. Jany pačali ličyć mianie za dzivačku, vielmi časta jany žartavali pra biełaruskuju movu i pierakručvali jaje ŭ majoj prysutnaści».

Dziaŭčyna taksama apisała epizod, jaki zdaryŭsia ŭ 10‑m kłasie.

«Ja pryjšła tady z usimi ŭpryhožvać kłas, i ŭ razmovie mnie kazali: «My tiebia nie ponimajem».

Maje adnahodki ŭvieś čas paŭtarali, što mianie nie razumiejuć i prasili pierajści «na narmalnuju movu».

Skrynšot ź videa ŭ tyktoku @esterrrnas1

Ź liku nastaŭnikaŭ rašeńnie dziaŭčyny najpierš pryjšłosia niedaspadoby vykładčycy ruskaj movy i litaratury.

«Jana vielmi lubiła Rasiju, jaje historyju i estetyku. I praz heta nie razumieła maju luboŭ da Biełarusi — jana zaŭždy namahałasia mianie pierakanać, prymusić lubić jaje pradmiet i zdavać mienavita ruskuju movu zamiest biełaruskaj. Praz heta ŭ nas byli vielmi naciahnutyja adnosiny».

Akramia taho, školnicy zabaranili zdavać historyju Biełarusi na biełaruskaj movie, chacia mienavita na joj jana rychtavałasia da ispytu.

«Mnie prosta nie zachacieli drukavać inšy błank, na inšaj movie».

Dziaŭčyna kaža, što namahałasia nie źviartać uvahu na takija pavodziny svajho atačeńnia, i ŭsio heta pakinuła ŭ minułym.

«Ale dahetul znachodziacca ludzi, jakija pry znajomstvie, razumiejučy što ja biełaruskamoŭnaja, mocna dziviacca».

Kamientary

Ciapier čytajuć

Krymski most zrujnavany ŭdaram ukrainskich rakiet

Usie naviny →
Usie naviny

Rasijski chakieist, jaki amal usiu karjeru hulaŭ u Biełarusi, pajšoŭ zavajoŭvać Ukrainu i zahinuŭ1

30‑hadovy błohier Maksim Puškin zrabiŭ druhuju pierasadku vałasoŭ. Kolki zapłaciŭ?16

Źnikłaha rasijskaha Z-vajenkara Ramanava mahli abvinavacić u dziaržzdradzie5

Pa spravie abrazy doktarkaj žančyny ź invalidnaściu na jaje pracy pravodziać pravierku6

Žančyna nabyła cukierki «Butelečki», u jakich usiaredzinie nie było likioru. Čamu tak?5

U Minsku pačali budavać novy kaścioł8

Na kancert Kadyšavaj u Minsku ŭ kakošnikach pryjšli navat mužčyny92

Tramp ličyć, što Pucin va Ukrainie moh by dziejničać i bolš žorstka12

Stali viadomyja padrabiaznaści razbojnaha napadu ź pistaletam u Minsku1

bolš čytanych navin
bolš łajkanych navin

Krymski most zrujnavany ŭdaram ukrainskich rakiet38

Krymski most zrujnavany ŭdaram ukrainskich rakiet

Hałoŭnaje
Usie naviny →

Zaŭvaha:

 

 

 

 

Zakryć Paviedamić